Քաղաքական17:42, 16 Ապրիլ 2021
Էրդողան. Մեր արտգործնախարարը իր տեղը ցույց տվեց Հունաստանի ԱԳ ղեկավարին
Թուրքիայի նախագահ Ռեջեփ Թայիփ Էրդողանը ուրբաթօրյա նամազից հետո լրագրողներին տված հարցազրույցում անդրադարձել է նախօրեին Թուրքիայի և Հունաստանի արտգործնախարարների համատեղ մամուլի ասուլիսին:
Էրդողանը սատարել է Թուրքիայի արտգործնախարար Մևլութ Չավուշօղլուին՝ Հունաստանին հանդիմանելու և մեղադրանքներ հնչեցնելու կապակցությամբ:
Չավուշօղլու-Դենդիաս համատեղ մամուլի ասուլիսն անցել է թեժ մթնոլորտում: Կողմերը չեն խորշել նախատինքներ հնչեցնելուց:
«Մեր արտգործնախարարը Դենդիասի կեցվածքի դեմ վերջինիս իր տեղը ցույց տվեց, ավելի մեղմ չէր էլ կարող լինել»,-ասել է նա:
Թուրքիայի նախագահը հայտնել է, որ Հունաստանի ԱԳ ղեկավարի հետ հանդիպմանը առաջարկել է իրենց հարաբերություններում առկա խնդիրների կարգավորման համար չընդգրկել «ուրիշներին», այդ թվում ԵՄ-ին:
Նա պնդելով, որ Արևմտյան Թրակիայում շուրջ 150.000 իր հայրենակիցն է ապրում, Հունաստանին մեղադրել է վերջիններիս նկատմամբ հոգածություն չցուցաբերելու մեջ:
Էրդողանը դժգոհություն է հայտնել այն առումով, որ Արևմտյան Թրակիայում ապրող թուրքերը չեն կարողանում իրենց համար գլխավոր մուֆթի (մահմեդական բարձրաստիճան հոգևորականներ) ընտրել:
Նա նշել է, որ ըստ Լոզանի պայմանագրի, Հունաստանն իրավունք չունի մուֆթի նշանակել և հավելել, որ իրենք Թուրքիայում չեն կարողանում հունաց պատրիարքին նշանակել, փոխարենը վերջինս ընտրվում է Կոնստանդնուպոլսի ուղղափառ տիեզերական պատրիարքության բարձրագույն կառավարման մարմինը հանդիսացող Սինոդի կողմից:
Նրա խոսքով՝ այդ ամենը հակասում է միջազգային իրավունքին և պատճառ է հանդիսանում թուրք-հունական հարաբերությունների վատթարացման համար:
Այս ենթաբաժնի վերջին նորությունները
Թուրքիայի գանձապետարանի և ֆինանսենրի նախարարը խոսել է տնտեսական բարեփոխումների շրջանակներում գնաճը հաղթահարելու նպատակով ձեռնարկվելիք անհրաժեշտ քայլերի մասին:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |