Քաղաքական11:18, 14 Ապրիլ 2021
Եվրամիությունը պատժամիջոցներ է պատրաստել Թուրքիայի դեմ
Ֆրանսիայի Եվրոպայի հարցերով պետքարտուղար Կլեմենտ Բոնը հայտնել է, որ Թուրքիայի դեմ կսահմանվեն պատժամիջոցներ, եթե վերջինս Արևելյան Միջերկրանի և այլ տարածաշրջաններում շարունակի իր ագրեսիվ վարքագիծը: Այս մասին Բոնն ասել է Ֆրանսիայի խորհրդարանում:
«Մենք Եվրոպային ստիպեցինք, որ Թուրքիայի նկատմամբ ամուր, միասնական և հստակ գիծ ցուցաբերի: Լարվածություն չենք փնտրում, բայց և մեր շահերն ենք պաշտպանում»,-ասել է նա:
Բոնը Թուրքիային երկընտրանքի առաջ է կանգնեցրել՝ նշելով. «Թուրքիան պիտի որոշի՝ հետևե՞լ լարվածությունը թուլացնելու ուղուն, թե՞ շարունակել ագրեսորի վարքագիծը: Երկու ընտրության դեպքում էլ ԵՄ-ն պատրաստ է արձագանքել: Հարկ եղած դեպքում մենք կդիմենք այն միջոցներին, որոնք նախապատրաստել ենք, այդ թվում՝ պատժամիջոցներ»:
Թուրքական լրատվամիջոցները Բոնի այս հայտարարությունը կապում են վերջերս Եվրահանձնաժողովի և Եվրախորհրդարանի նախագահների՝ Թուրքիա կատարած այցի ընթացքում տեղի ունեցած աղմկահարույց միջադեպի հետ:
Հիշեցնենք, որ հանդիպման մեկնարկին Եվրահանձնաժողովի ղեկավար Ուրսուլա ֆոն դեր Լյայենին աթոռ չէին առաջարկել Թուրքիայի նախագահ Ռեջեփ Թայիփ Էրդողանի և Եվրոպական խորհրդի ղեկավար Շառլ Միշելի կողքին: Ֆոն դեր Լյայենը ստիպված էր եղել նստել Էրդողանի և Միշելի կողքին գտնվող բազմոցին։
Բոնը միջադեպի կապակցությամբ մեղադրել էր Թուրքիային, նշելով որ վերջինս վատ վարքագիծ էր դրսևորել և ԵՄ-ի դեմ միտումնավոր խնդիր էր ստեղծել:
Այս ենթաբաժնի վերջին նորությունները
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |