Քաղաքական10:54, 13 Ապրիլ 2021
Կանադան չեղարկել է ռազմական արտադրանք Թուրքիա արտահանելու թույլտվությունները
Կանադայի արտգործնախարար Մարկ Գարնոն ապրիլի 12-ին հայտարարել է, որ իր երկիրը չեղարկում է ռազմական արտադրանք Թուրքիա արտահանելու թույլտվությունները:
Նախարարը նախ հիշեցրել է, որ նախորդ տարվա հոկտեմբերին Կանադայի կառավարությունը կասեցրել է ռազմական արտադրանքն ու տեխնոլոգիաները Թուրքիա արտահանելու թույլտվությունները:
Նրանք սպասել են հետաքննության արդյունքներին, որոնք պետք է պարզեին մեղադրանքների իսկությունը առ այն, որ կանադական տեխնոլոգիաներն Ադրբեջանի կողմից կիրառվել են Լեռնային Ղարաբաղի զինված հակամարտությունում: Խոսքը թուրքական «Bayraktar TB2» անօդաչու թռչող սարքերի վրա կիրառվող դիտարկման և թիրախավորման համակարգերի մասին է, որոնք արտադրվում են կանադական «L3Harris WESCAM» ընկերության կողմից:
Գարնոն նաև հայտնել է, որ 2019թ. աշնանը ևս Կանադան կասեցրել էր ռազմական արտադրանքի արտահանումը Թուրքիա՝ հաշվի առնելով թուրքական զորքի ռազմական ներխուժումը Սիրիա:
«Կանադայի արտգործնախարարությունը, խորհրդակցելով ազգային պաշտպանության նախարարության հետ, իրականացրել է Թուրքիայի համար նախատեսված ռազմական ապրանքի և տեխնոլոգիաների արտահանման թույլտվությունների մանրակրկիտ դիտարկում: Հաշվի առնելով, որ դրա արդյունքում ձեռք է բերվել վստահելի ապացույց առ այն, որ Թուրքիա արտահանված կանադական տեխնոլոգիաները կիրառվել են Լեռնային Ղարաբաղում՝ հայտարարում եմ, որ այսօր չեղարկվում են բոլոր այն թույլտվությունները, որոնք կասեցվել էին 2020թ. աշնանը»,- նշել է Կանադայի արտգործնախարարը:
Մարկ Գարնոն հայտնել է, որ իրենց արտադրանքի նմանատիպ կիրառումը չի համապատասխանում ո՛չ Կանադայի արտաքին քաղաքականությանը, ո՛չ էլ Թուրքիայի կողմից տրված հավաստիացումներին, թե դրանց վերջնական օգտագործողն ինքն է լինելու:
Կանադացի պաշտոնյան նաև հաղորդել է, որ ապրիլի 12-ի առավոտյան զրուցել է թուրք պաշտոնակցի՝ Մևլութ Չավուշօղլուի հետ՝ հաստատելու Կանադայի մտահոգությունը։
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |