Իրավական11:50, 12 Ապրիլ 2021
Էրդողանի դեմ բողոքի ակցիային մասնակցած իրանցիներին կարտաքսեն Թուրքիայից
Մարտի 20-ին Դենիզլիում Էրդողանի դեմ կազմակերպված բողոքի ակցիային մասնակցած Իրանի 4 քաղաքացիների նկատմամբ Միգրացիայի կառավարման Դենիզլիի նահանգային վարչությունը արտաքսման որոշում է կայացրել՝ հասարակական կարգը խախտելու հիմնավորմամբ:
Վերոհիշյալ բողոքի միջոցառումը կապված է եղել Ստամբուլյան կոնվենցիային Թուրքիայի անդամակցությունը պաշտոնապես չեղարկելու մասին նախագահ Էրդողանի որոշման հետ։ Ոստիկանությունը Իսմայիլ Ֆաթթահին, Լեիլի Ֆարաջին, Զեյնաբ Սահաֆիին և Մոհամմադ Փուրաքբարին բերման էր ենթարկել նախորդ շաբաթ:
Իրանի քաղաքացիներն հիշյալ որոշումը բողոքարկելու համար իրենց փաստաբանի միջոցով դիմել են Դենիզլիի վարչական դատարան:
Իսմայիլ Ֆաթթահին քրդական «Mezopotamya Ajansı» լրատվական գործակալությանը տված հարցազրույցում հայտնել է, որ ապրիլի 6-ից սկսած իրենց պահում են Այդըն նահանգում գտնվող արտաքսման հարցերով զբաղվող կենտրոնում:
Ֆաթթահին պատմել է, որ իրենց Իրանին արտահանձնելու դեպքում կենսական վտանգի առաջ կկանգեն, քանի որ իրենք Իրանում կալանավորվել էին երկրի վարչակազմին ընդդիմանալու պատճառով:
Անդրադառնալով այդ կենտրոնի ներգաղթյալների խնդիրներին՝ Ֆաթթահին ասել է. «Այստեղ տարբեր երկրներից եկած մոտ 100 ներգաղթյալ կա, որոնց մեծ մասը Աֆղանստանից և Պակիստանից են: Գրեթե ամեն օր ինքնասպանություն փորձեր են տեղի ունենում: Նրանց նկատմամբ ֆիզիկական և հոգեբանական լուրջ բռնություն է գործադրվում: Պաշտոնյաները նրանց ստիպողաբար ստորագրել են տալիս այն փաստաթղթերը, թե իբրև նրանք ընդունում են արտաքսման որոշումը: Նրանց (ներգաղթյալ-խմբ.) ասում են` եթե չստորագրեն դրանք, ապա ողջ կյանքը այստեղ կմնան»:
Նրա խոսքով՝ թուրք պաշտոնյաները ներգաղթյալների դեմ ճնշում գործադրելու համար վերջիններիս մեկուսացնում են և այնպիսի մեթոդներ են կիրառում, որ նրանց հասցնեն հուսահատության:
Ֆաթթահին նաև հաղորդել է, որ ներգաղթյալներից շատերը նույնիսկ փաստաբան վարձելու գումար չունեն և քանի որ լեզու չգիտեն, չեն իմանում՝ ինչ անեն:
Նրա փոխանցմամբ՝ իրավապաշտպան կառույցները չեն վերահսկում այստեղ առկա խնդիրները:
Այս ենթաբաժնի վերջին նորությունները
Այքութ Էրդողդու. «Իմ միակ ցանկությունն այն է, որ մի օր դատվեք հանցագործության՝ հայրենիքի դավաճանության համար» ,- Էրդողանի մասին գրել է ընդդիմադիր պատգամավորը»:
Մամեդովը Ստամբուլ էր մեկնել մեկ ամիս առաջ և երկու օրից պիտի վերադառնար Բաքու։
Նա մեղադրվում է քրդամետ «Ժողովուրդների դեմոկրատական» կուսակցության համայնքապետերին այցելելու մեջ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այսօր Թուրքիան Ադրբեջանին «կիպրոսացրել է»։ Հյուսիսային Կիպրոսի պես իրենով է անում, ինչպես «ձագ» պետություն։ Բայց սրանք ուտում են նաև իրենց ձագերին։
Իսրայելի վարչապետ Բենյամին Նեթանյահուի որդին՝ Յաիր Նեթանյահուն, հայտնի է իր հակաէրդողնական հայացքներով:
2020թ. մայիս - 2021 մայիս ընկած ժամանակահատվածում ՌԴ նախագահը 14 անգամ հեռախոսազրույց է ունեցել Թուրքիայի նախագահի հետ:
Նշենք, որ Անթալիայի դիվանագիտական ֆորումն անցկացվելու է հունիսի 18-20-ը:
Բողոքի ակցիաները տարակուսանք են առաջացրել սոցցանցերի թուրք օգտատերերի մոտ, որոնց հետաքրքրվել են, թե ինչու ցուցարարների համար չի պահպանվում փողոց դուրս գալու արգելքը:
Օրացույց
Հարցումներ
Արևելյան Միջերկրականում թուրք-հունական լարվածությունը կվերածվի՞ ռազմական բախման։
արտարժույթ
| EUR | TRY | USD |
| 549.84 | 90.05 | 485.12 |