Քաղաքական11:45, 07 Ապրիլ 2021
Լարման օջախ թուրք-չինական հարաբերություններում
Անկարայում Չինաստանի արտակարգ և լիազոր դեսպան Լիու Շաոբինը կանչվել է Թուրքիայի արտգործնախարարություն: Պատճառն Անկարայում Չինաստանի դեսպանության Twitter-ի էջում արված գրառումն է, որն անհանգստացրել է Թուրքիայի ղեկավարությանը:
Ապրիլի 5-ին Թուրքիայի ազգայնական ուղղվածություն ունեցող, ընդդիմադիր «Լավ» կուսակցության (İYİ Parti) ղեկավար Մերալ Աքշեները Twitter-ում Չինաստանի տարածքային ամբողջականությանը հակասող գրառում էր արել՝ նշելով. «Արևելյան Թյուրքեստանը (Չինաստանի Սինցզյան-ույղուրական ինքնավար շրջանի արևմտյան տարածքները-խմբ.) մի օր անպայման անկախանալու է» :
Անկարայի ընդդիմադիր քաղաքապետ Մանսուր Յավաշն էլ Սինցզյան-ույղուրական ինքնավար շրջանում 31 տարի առաջ տեղի ունեցած իրադարձությունը «կոտորած» էր որակել:
Թուրք քաղաքական գործիչների գրառումներին ի պատասխան՝ Չինաստանի դեսպանության Twitter-ի էջում հետևյալ գրառումն է արվել.
«Չինական կողմը կտրականապես դեմ է և խստորեն դատապարտում է ցանկացած անձի կամ ուժի ցանկացած մարտահրավեր՝ ուղղված Չինաստանի ինքնիշխանությանն ու տարածքային ամբողջականությանը»:
Գրառմանը կից նշվել էր նաև Աքշեների և Յավաշի թվիթթերյան հաշիվները:
Ավելի ուշ Աքշեների կուսակցությունը հակադարձել է Չինաստանի դեսպանության հայտարարությանը՝ նշելով. «Դադարեք դատարկաբանել։ Նախևառաջ կանգնեցրեք ույղուրների դեմ ձեր կողմից իրականացվող ցեղասպանությունը»:
Այս ենթաբաժնի վերջին նորությունները
Նշենք, որ Մոսուլում թուրքական հյուպատոսարանը 2014թ. հարձակման էր ենթարկվել «Իսլամական պետություն» (ԻՊ) ահաբեկչական խմբավորման կողմից:
Այս թեմայով խոսակցություններն ակտիվացել են ԱՄՆ-ի նախագահ Ջո Բայդենի՝ Հայոց ցեղասպանությունը ճանաչելուց հետո:
Վերջին տարիներին խաթարված Թուրքիա-Եգիպտոս հարաբերությունների կարգավորման համար երկու երկրների իշխանությունների կողմից դրական ազդակներ են նկատվում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այս թեմայով խոսակցություններն ակտիվացել են ԱՄՆ-ի նախագահ Ջո Բայդենի՝ Հայոց ցեղասպանությունը ճանաչելուց հետո:
Ընդունելությանը հայ համայնքից մասնակցել է Թուրքիայում «Հայկական հիմնադրամների միության» Սուրբ Փրկիչ հիվանդանոցի հոգաբարձուների խորհրդի նախագահ Պետրոս Շիրինօղլուն:
Գերմանիայում բնակվող պոլսահայ հրապարակախոսը համոզված է․ Թուրքիայի կողմից Ցեղասպանության ժխտումը ավելի թանկ է նստելու, քան եթե ճանաչեր։
Մամեդովը Ստամբուլ էր մեկնել մեկ ամիս առաջ և երկու օրից պիտի վերադառնար Բաքու։
Նա մեղադրվում է քրդամետ «Ժողովուրդների դեմոկրատական» կուսակցության համայնքապետերին այցելելու մեջ։
Օրացույց
Հարցումներ
Արևելյան Միջերկրականում թուրք-հունական լարվածությունը կվերածվի՞ ռազմական բախման։
արտարժույթ
| EUR | TRY | USD |
| 549.84 | 90.05 | 485.12 |