ERMENI HABER AJANSI

Թուրքիայում օրեցօր ավելանում են սիրիացի փախստականներին նսեմացնելու փորձերը և նրանց վրա հարձակման դեպքերը, որոնք երկրի իշխանությունների որդեգրած խտրականության և ռասիզմի արդյունք են:  

Թուրքիայի հարավ-արևելյան Գազիանթեփ նահանգում սիրիացի մի ընտանիք իր տան մեջ քարերով հարձակման է ենթարկվել: Հարձակման պահը տեսանկարահանվել և տեղադրվել է համացանցում: 

Տեսանյութում սիրիացի կինը նշում է, որ իրենց ու երեխաների կյանքն  վտանգված է: Նա, ցույց տալով քարի հարվածից աչքի վնասվածք ստացած երեխային, ասում է. «Մեր երեխաները սարսափում են, երբ լսում են թուրք անունը»:

Սիրիացի կինը հռետորական հարց է տալիս՝ ինչի՞ց է, որ հենց իրենց հանդեպ է այդ ռասիզմը: Նրա խոսքով՝ Թուրքիայում սիրիացիները միշտ խտրականության են ենթարկվում: Այնուհետև դիմելով Թուրքիայի նախագահ Ռեջեփ Թայիփ Էրդողանին՝ ասում է. «Մենք պահանջում ենք մեր կյանքի անվտանգությունը և ուրիշ ոչինչ»: 

Միջադեպի կապակցությամբ հայատարարությամբ է հանդես եկել Գազիանթեփի նահանգապետը: Վերջինս հայտնել է, որ կատարվածը հարևանների միջև տեղի ունեցած վեճի հետևանք է: Նահանգապետի համոզմամբ՝ այդ դեպքը ոչնչով չի տարբերվում թուրքերի միջև կամ էլ սիրիացի համայնքի անդամների միջև տեղի ունեցած վեճերից:  

Gaziantep'te 6 yıldır ikamet eden #Suriyeli #mülteci kadın evlerine, mahalleli tarafından taşlarla saldırıldığını anlatıyor.

V/@Munip_Algilha pic.twitter.com/uvLLcIJ3Cz

— Mülteci Medyası (@multecimedyasi) March 28, 2021