Քաղաքական12:49, 19 Մարտ 2021
Գերմանիան մտահոգություն է հայտնել Թուրքիայում HDP-ի դեմ բացված դատական գործի առթիվ
Գերմանիայի կառավարությունը լուրջ մտահոգություն է հայտնել Թուրքիայում ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) գործունեության դադարեցման պահանջով հարուցված դատական գործի առթիվ։
Գերմանիայի արտգործնախարարությունը պաշտոնական հայտարարություն է հրապարակել՝ նշելով, որ ԺԴԿ-ի դեմ բացված դատական գործը համաչափության առումով լուրջ կասկածներ է հարուցում։ Հայտարարության մեջ նաև մտահոգություն կա ԺԴԿ-ական պատգամավորների դեմ վարվող քաղաքականության կապակցությամբ։ նշվում է, որ այդ կերպ վտանգվում է օրենքի գերակայությունը։
Գերմանիայի ԱԳՆ-ն նաև դատապարտել է ԺԴԿ-ական պատգամավոր Օմեր Ֆարուք Գերգերլիօղլուի՝ պատգամավորական մանդատից զրկումը և ԺԴԿ-ի մի շարք անդամների և պատգամավորների դեմ քրեական վարույթների հարուցումը։ Ընդգծվել է, որ այդ քայլերը Թուրքիայում իրավական պետության սկզբունքների վերաբերյալ առանց այդ էլ առկա հարցականների կողքին նորերն են ավելացնում։
Հայտարարության մեջ կոչ է արվում հստակ տարանջատում մտցնել ԺԴԿ կուսակցության և ԵՄ ահաբեկչական խմբավորումների ցանկում տեղ գտած «Քուրդիստանի բանվորական» կուսակցության (ՔԲԿ-PKK) միջև։ Շեշտվում է նաև, որ որևէ քաղաքական կուսակցության գործունեության դադարեցումը ժողովրդավարական երկրում պետք է ամենավերջին քայլը լինի։
«Դաշնային կառավարությունը ակնկալում է, որ Թուրքիան՝ որպես Եվրախորհրդի անդամ և ԵՄ անդամության թեկնածու երկիր, կկատարի իր ստանձնած պարտավորությունը՝ ժողովրդավարության և իրավական պետության սկզբունքներին համապատասխանելու առումով», - ասված է հաղորդագրության մեջ։ ԱԳՆ-ն նաև նշել է, որ Գերմանիան ուշադրությամբ կհետևի խնդրի հետագա զարգացումներին։
Այս ենթաբաժնի վերջին նորությունները
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |