Էրդողանը՝ Բայդենին. «Պուտինի մասին այդ խոսքերը պետության ղեկավարին հարիր խոսքեր չեն»

Քաղաքական16:51, 19 Մարտ 2021

Էրդողանը՝ Բայդենին. «Պուտինի մասին այդ խոսքերը պետության ղեկավարին հարիր խոսքեր չեն»

Թուրքիայի նախագահ Ռեջեփ Թայիփ Էրդողանն անդրադարձել է ԱՄՆ նախագահ Ջո Բայդենի և Ռուսաստանի նախագահ Վլադիմիր Պուտինի միջև հեռակա բանավեճին:

Նշենք, որ Բայդենը Պուտինին մարդասպան էր անվանել, իսկ Պուտինն իր հերթին առողջություն էր ցանկացել Բայդենին:

Էրդողանը լրագրողներին տված հարցազրույցում հաջակցություն ՌԴ ղեկավարի՝ ասել է.

«Պարոն Բայդենի՝ Պուտինի մասին այդ խոսքերը պետության ղեկավարին հարիր խոսքեր չեն և մի պետության ղեկավարի կողմից Ռուսաստանի նման պետության ղեկավարի հասցեին այդպիսի արտահայտություն անելը չի կարող ընդունելի լինել»:

Ըստ Էրդողանի՝ Պուտինը Բայդենին խելամիտ և շատ բարեկիրթ պատասխան է տվել:

Հիշեցնենք, որ մարտի 17-ին ABC հեռուստաընկերության եթերում ԱՄՆ նախագահը դրական է պատասխանել լրագրողին այն հարցին, թե արդյոք Բայդենը կարծո՞ւմ է, որ Պուտինը մարդասպան է: Նույն օրը պաշտոնական Մոսկվան հայտարարեց՝ ԱՄՆ-ում Ռուսաստանի դեսպանին կանչում է Մոսկվա, բայց ընդգծեց, որ խոսքը ոչ թե հետ կանչելու, այլ խորհրդակցություններին մասնակցելու մասին է: Հաջորդ օրը Պուտինն անձամբ արձագանքեց Բայդենի հայտարարությանը՝ ասելով, թե նրան առողջություն է ցանկանում: Ավելի ուշ Պուտինը ԱՄՆ նախագահին առաջարկել է շարունակել բանավեճն ուղիղ եթերում, որը սակայն վերջինիս հրաժարվել է ընդունել:

Աղբյուր` Ermenihaber.am

Այս ենթաբաժնի վերջին նորությունները

21:53, 25 հուլ

Փարիզում Սիրիա-Իսրայել անվտանգային հանդիպում է սպասվում

Հանդիպման մասին լուրերը տարածվեցին այն բանից հետո, երբ Սիրիան օգնության խնդրանքով պաշտոնապես դիմեց Թուրքիային:

16:20, 25 հուլ

Էրդողանը հանդիպում կունենա Պուտինի և Թրամփի հետ

Թուրքիայի նախագահն ասել է, որ փորձելու են ՌԴ-ի և ԱՄՆ-ի առաջնորդների հանդիպում կազմակերպել Ստամբուլում:

13:33, 25 հուլ

Թուրքիան դատապարտել է Իսրայելին Արևմտյան ափի բռնակցման որոշման համար

Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել: