Ռազմական12:07, 16 Փետրվար 2021
Թուրքիան անհանգստացած է Հունաստանի և Իսրայելի ռազմական համագործակցությունից
Վերջին 1 տարում Արևելյան Միջերկրածովում թուրք-հունական լարվածության առավել սրացման ֆոնին Աթենքի կողմից այլ երկրների հետ զենքի գնման պայմանագրերը Թուրքիայում սկսել են առավել զգայուն ընդունել:
Թուրքական իշխանամերձ «Sabah» թերթի կայքը «Հունաստանի համագործակցությունը Իսրայելի հետ. նոր պայմանագիր ընդդեմ Թուրքիայի» վերնագրով հրապարակման մեջ անդրադարձ է կատարել Հունաստանի ու Իսրայելի միջև համաձայնեցված 1.68 մլրդ դոլարի ռազմական պայմանագրին՝ այն անվանելով սադրանք Աթենքի կողմից:
Պայմանագրի շրջանակներում Իսրայելը Հունաստանին կվաճառի 10 Mavi M-346 մակնիշի մարզական տասը ռազմական օդանավ, ինչպես նաեւ սիմուլյատորներ և կհատկացնի նյութատեխնիկական աջակցություն: Իսրայելի պաշտպանության էլեկտրոնային ‘’Elbit Systems’’ ընկերությունը Հունաստանում կհիմնի թռիչքների դպրոց, մարզելու համար Հունաստանի ռազմաօդային ուժերի օդաչուներին:
Ըստ թուրքական աղբյուրի՝ չնայած ոչ բարվոք տնտեսական վիճակին՝ Հունաստանը նախ Ֆրանսիայի, ապա Իսրայելի հետ կնքած ռազմական պայմանագրերով ցանկանում է իր ռազմաօդային և ռազմածովային ուժերի բալանսի բերել Թուրքականի հետ, քանի որ վերջին շրջանում բավականին հետ է մնացել: Նշվում է, որ հատկապես օդում Աթենքը ձգտում է միջոցներ ձեռք բերել վերջերս մի շարք հաջողություններ գրանցած թուրքական անօդաչուների դեմ պայքարելու համար:
Բացի դրանից, աղբյուրի տեղեկություններով Աթենքը Իրայելից 39 մլն դոլարով 2 AV HERON ԱԹՍ կվարձակալի 3 տարի ժամկետով, որոնք արդեն 3 ամիս անց կտեղափոխվեն Հունաստանի Սկիրոս կղզում տեղակայված 135-րդ ավիաբազա:
Ըստ թուրքական մամուլի Հունաստանի քայլերը սադրում են իրավիճակը, քանի որ Թուրքիան բազմիցս հայտարարել է Հունաստանի հետ առկա խնդիրները լուծելու հարցում բանակցություններ սկսելու պատրաստակամության մասին:
Նշենք նաև, որ բանակցությունների վերաբերյալ հայտարարություններին զուգընթաց Անկարան շարունակում է նավթագազային հորատումները Հունաստանի կողմից բացառիկ տնտեսական գոտի հայտարարված ջրային տարածքներում:
Այս ենթաբաժնի վերջին նորությունները
Նշվում է, որ փառատոնը կտևի մինչև մայիսի 4-ը։
Անկարայում կողմերը քննարկել են ռազմարդյունաբերական համագործակցության խորացման հնարավորությունները։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |