Քաղաքական11:34, 15 Փետրվար 2021
Թուրքիայում շարունակվում է քրդամետ կուսակցության մարգինալացումը
Թուրքիայում շարունակվում է իշխանության և իշխանամերձ շրջանակների կողմից ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) մարգինալացման, քաղաքական գործընթացներից հետզհետե դուրս մղելու քաղաքականությունը:
Տարիներ ի վեր իշխող ուժն ու վերջինիս աջակցող քաղաքական այլ ուժեր HDP-ին մեղադրում են Թուրքիայում ահաբեկչական համարվող «Քուրդիստանի բանվորական կուսակցություն» (ՔԲԿ-PKK) ռազմաքաղաքական կազմակերպության օգտին քարոզչություն անելու, իսկ HDP-ական գործիչներին այդ «ահաբեկչական կազմակերպության» անդամ լինելու մեջ:
Թուրքիայի նախագահի աշխատակազմի հանրային կապերի բաժնի պետ Ֆահրեթթին Ալթունը, Twitter-ում անդրադառնալով այս թեմային, HDP-ի և PKK-ի հարաբերությունների մասին պատմող տեսանյութ է հրապարակել:
Ալթունը տեսանյութին կից արած գրառման մեջ պնդել է, որ HDP-ն նույն PKK-ն է: Նրա համոզմամբ՝ HDP-ն PKK-ի հրամաններով առաջնորդվող «քաղաքական խամաճիկ է»:
Այնուհետև նկատի ունենալով HDP-ի հետ Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցությանն (CHP-ԺՀԿ) ու մյուս ընդդիմադիր «İYİ» կուսակցության (Լավ) «համագործակցությանը»՝ վերջիններիս մեղադրել է Իրաքի հյուսիսում քուրդ զինյալների դեմ թուրքական զինուժի կողմից իրականացված օպերացիայի ընթացքում «հանցավոր լռության մեջ»:
Ալթունի դիտարկմամբ՝ այդ ուժերը որպեսզի չվնասեն HDP-ի հետ իրենց դաշինքը այս ընթացքում նույնիսկ չհիշատակեցին PKK-ի անունը:
Հիշեցնենք, որ փետրվարի 10-ին Թուրքիայի զինուժը «Քուրդիստանի բանվորական» կուսակցության (PKK-ՔԲԿ) դեմ Իրաքյան Քուրդիստանի (Հյուսիսային Իրաքի քրդական ինքնավար շրջան) Դոհուկ նահանգի Գարե շրջանում մեկնարկել էր «Արծվի մագիլ 2» (Pençe-Kartal-2) ռազմագործողությունները:
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |