Իրաքի հյուսիսում PKK-ի դեմ օպերացիայում թուրքական օդուժին չի հաջողվել դեսանտ իջեցնել

Ռազմական11:18, 12 Փետրվար 2021

Իրաքի հյուսիսում PKK-ի դեմ օպերացիայում թուրքական օդուժին չի հաջողվել դեսանտ իջեցնել

Փետրվարի 10-ին Թուրքիայի զինուժի կողմից «Քուրդիստանի բանվորական» կուսակցության (PKK-ՔԲԿ) դեմ Իրաքյան Քուրդիստանի (Հյուսիսային Իրաքի քրդական ինքնավար շրջան) Դոհուկ նահանգի Գարե շրջանում մեկնարկած «Արծվի մագիլ 2» (Pençe-Kartal-2) ռազմագործողությունները շարունակվում են:

Քրդական «ANF News» լրատվական կայքի փոխանցմամբ, թուրքական օդուժը «Kobra» տեսակի 5 հարվածային ուղղաթիռների մասնակցությամբ Sikorsky տեսակի 2 ռազմատրանսպորտային ուղղաթիռով փորձել է լրացուցիչ դեսանտներ իջեցնի Գարեի շրջան, սակայն չի հաջողել:

Նշվում է, որ քուրդ զինյալների արձակած կրակի հետևանքով թուրքական ուղղաթիռները լքել են տարածքը:

Օպերացիայի առաջին օրը հարվածային ուղղաթիռներով Գարեի շրջան իջեցված թուրք դեսանտների և քուրդ զինյալների միջև տեղի ունեցած բախումների հետևանքով Թուրքիայի պաշտպանության նախարարության հաղորդմամբ թուրք 3 զինվորական էր սպանվել և ևս 3-ը վիրավորվել: Իսկ քրդական աղբյուրների հաղորդմամբ՝ «Արծվի մագիլ 2» ռազմագործողության ընթացքում թուրքական ԶՈՒ-ի 9 զինվորական է սպանվել:

Աղբյուր` anfturkce.com

Այս ենթաբաժնի վերջին նորությունները

12:48, 08 սեպ

Հունական մամուլ. «Թուրքիայի զինված ուժերում ՀՕՊ համալրումները կարող են թիրախավորել Հունաստանին և Իսրայելին»

Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։

17:13, 05 սեպ

Ըստ իսրայելցի գնդապետի՝ Իսրայելը կտրականապես պատրաստ չէ թուրքական բանակի հետ պատերազմելուն

Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։