Իրավական12:45, 03 Փետրվար 2021
ՄԻԵԴ-ն իր պատմության մեջ ամենաշատ իրավախախտման վճիռները կայացրել է ընդդեմ Թուրքիայի
2020 թվականի արդյունքներով Թուրքիան առաջինն է այն պետությունների շարքում, որոնց Մարդու իրավունքների եվրոպական դատարանը (ՄԻԵԴ) մեղավոր է ճանաչել իրավախախտումների մեջ։
Թեմային անդրադարձել է թուրքական «Hürriyet» թերթի սյունակագիր Սեդաթ Էրգինը։ «Նախորդ շաբաթ ՄԻԵԴ-ը հրապարակել է իր հիմնադրման 1959 թվականից ի վեր կայացված վճիռների վիճակագրությունն ըստ երկրների։ Թուրքիան իրավախախտումների տեսակետից կրկին պահպանել է իր առաջատար դիրքը։ Ընդ որում, եթե հաշվի առնենք, որ Թուրքիան անհատական դիմումները թույլատրել է 1987 թվականին, հետևաբար այդ խախտումները տեղի են ունեցել ընդամենը 34 տարվա ընթացքում», -գրում է հեղինակը։
Ըստ հրապարակված տվյալների՝ ՄԻԵԴ-ը 1987-2020թթ․ Թուրքիայի դեմ ընդհանուր առմամբ 3․742 վճիռ է կայացրել, որոնցից 3․309-ի դեպքում Թուրքիան մեղադրվել է առմվազն մեկ իրավունքի ոտնահարման մեջ։ Այլ կերպ ասած՝ Թուրքիայի վերաբերյալ վճիռների 88․4 տոկոսի դեպքում այդ երկիրը մեղավոր է ճանաչվել իրավախախտում կատարելու մեջ։
Ուշագրավ է նաև, որ նշված ժամանակահատվածում Թուրքիան ամենից շատ մեղավոր է ճանաչվել արդար դատավարության սկզբունքը խախտելու համար։ Նման գործերի թիվը կազմել է 953։ Դրանցից 608 գործով ՄԻԵԴ-ը նաև եկել է այն եզրահանգման, որ Թուրքիայում դատավարությունները չափազանց երկար են ձգվում։ 787 դատական գործով ՄԻԵԴ-ը վճռել է, որ Թուրքիան ոտնահարել է դիմումատուի «ազատության և անվտանգութան իրավունքը»։ 688 դեպքում իրավունքների ոտնահարումը վերաբերել է «ունեցվածքի իրավունքին», իսկ 387 դեպքում՝ «խոսքի ազատության իրավունքին»։
Այս ենթաբաժնի վերջին նորությունները
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ընդդիմադիր HKP-ի առաջնորդ Նուրրուլահ Էֆե Անքութը դատապարտվել է 1 տարի 2 ամիս և 22 օր ազատազրկման։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Այդ մասին հայտնում են Թուրքիայի պաշտպանության նախարարության աղբյուրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |