Թուրքիայում 1 ժամում 3 երկրաշարժ է գրանցվել

Տարածաշրջան10:23, 21 Հունվար 2021

Թուրքիայում 1 ժամում 3 երկրաշարժ է գրանցվել

Հունվարի 21-ին Էգեյան ծովում, ներկայիս Թուրքիայի Իզմիր նահանգի Սեֆերիհիսար շրջանում 4․5 մագնիտուդ ուժգնությամբ երկրաշարժ է գրանցվել։

Թուրքիայի աղետների և արտակարգ իրավիճակների կառավարման վարչության (AFAD) տեղեկացմամբ` երկրաշարժը գրանցվել է տեղական ժամանակով ժամը 02։37-ի սահմաններում։ Րոպեներ առաջ նույն շրջանում ևս 2 երկրաշարժ է գրանցվել՝ 3․9 և 3,6 ուժգնությամբ։ Երկրաշարժերը զգացվել են նաև Իզմիրին հարակից շրջաններում։

Ստորգետնյա ցնցումները գրանցվել են ընդերքի 6․91 կմ խորության վրա։

Թուրքիայի Քանդիլլի սեյսմիկ ծառայության տվյալների համաձայն, երկրաշարժի ուժգնությունը կազմել է 4․7 բալ։

Նախնական տեղեկությունների համաձայն' նյութական և մարդկային կորուստներ չկան։

Աղբյուր` Ermenihaber.am

Այս ենթաբաժնի վերջին նորությունները

15:54, 15 ապր

Չավուշօղլուն հայտնել է, որ Թուրքիան չի աջակցում ռուս-ուկրաինական խնդրի կողմերից ոչ մեկին

Թուրքիան չի սատարում Ռուսաստանի և Ուկրաինայի միջև ճգնաժամի մեջ գտնվող կողմերից որևէ մեկին։ Այդ մասին հայտարարել է Թուրքիայի արտաքին գործերի նախարար Մեվլութ Չավուշօղլուն։

12:21, 15 ապր

Հրթիռակոծվել է Էրբիլի միջազգային օդանավակայանը

Նույն ժամանակահատվածում հարձակման էր ենթարկվել նաև Թուրքիայի՝ Իրաքի հյուսիսում գտնվող Բաշիքայի ռազմաբազան, որի հետևանքով սպանվել է մեկ թուրք զինծառայող։

11:59, 15 ապր

Թուրքայից պնդում են, որ ամերիկյան նավերը չեն անցել Բոսֆորի նեղուցով

Ավելի վաղ CNNTurk-ը հայտնել էր, որ ԱՄՆ-ն դիտարկում էր իր ռազմանավերը Սև ծով ուղարկելու հնարավորությունը՝ Ուկրաինայի հետ սահմանին «ռուսական ռազմական ակտիվության աճի» ֆոնին։