Քաղաքական15:54, 13 Հունվար 2021
Թուրքիայի և Պակիստանի միջև հուշագիր է ստորագրվել
Այսօր Իսլամաբադում Թուրքիայի արտգործնախարար Մևլութ Չավուշօղլուն հանդիպում է ունեցել Պակիստանի արտգործնախարար Շահ Մահմուդ Քուրեյշի հետ։
Կողմերը հանդիպմանը քննարկել են երկկողմ հարաբերությունների զարգացմանն ուղղված, տարածաշրջանային և միջազգային մի շարք հարցեր, ինչպես նաև պայմանավորվածություն ձեռք բերել միջազգային հարցերի վերաբերյալ փոխադարձ շահերի համար համատեղ ռազմավարություն որդեգրելու հարցում:
Նախարարների հանդիպումից հետո միջգերատեսչական հանդիպում է կայացել, որի ընթացքում Թուրքիայի ԱԳ ղեկավարի և Պակիստանի կրթության նախարարի միջև «Թուրքիայի կրթության հիմնադրամի» կարգավիճակի և գործունեության վերաբերյալ հուշագիր է ստորագրվել:
Նշվում է, որ հիշյալ հուշագրով «Թուրքիայի կրթության հիմնադրամը» Պակիստանում հանրային հաստատության կարգավիճակ է ստանում, ինչպես նաև պաշտպանվում են Պակիստանում այդ հիմնադրամի ներդրումները:
Այս հուշագրով նախատեսվում է ընդլայնել այդ հիմնադրամի գործունեությունը այնպիսի ոլորտներում, ինչպիսիք են դպրոցական, համալսարանական, ուսանողների փոխանակման, կրթական և մշակութային կենտրոնների ծրագրերն ու կրթաթոշակները:
«Թուրքիայի կրթության հիմնադրամը» Պակիստանի 10 տարբեր քաղաքներում գտնվող 27 համալսարանների ավելի քան 12.000 ուսանողի կրթություն է տալիս: Հիմնադրամն այդ երկրում նաև ունի ուսանողական 9 հանրակացարան և ավելի քան 1800 աշխատող:
Հիշեցնենք, որ Իսլամաբադում նախատեսվում է Ադրբեջանի, Թուրքիայի և Պակիստանի ԱԳ նախարարների եռակողմ հանդիպում: Այս ձևաչափով երեք երկրների արտաքին քաղաքականության պատասխանատուները երկրորդ անգամ են հանդիպում։ Առաջին նման հանդիպումը 2017 թվականի նոյեմբերին Բաքվում էր։
Այս ենթաբաժնի վերջին նորությունները
Միջոցառումները վերաբերում են էներգետիկ ոլորտին։
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |