Իրանում ազերի ակտիվիստ է բանտարկվել

Իրավական17:02, 28 Դեկտեմբեր 2020

Իրանում ազերի ակտիվիստ է բանտարկվել

Թավրիզի հեղափոխական դատարանը 6 տարվա ազատազրկման է դատապարտել ազերի (իրանական ծագմամբ թյուրքախոս ժողովուրդ, չշփոթել ադրբեջանցի անվան հետ) ակտիվիստ Ալի Ազիզիին։

Նա մեղադրվում է Իրանի վարչակարգի դեմ քարոզչություն անելու և «Հարավային Ադրբեջանի ազգային ազատագրության ճակատ» (GAMAC) կազմակերպության անդամ լինելու մեջ։ Այս մասին հայտնում է Իրանի մարդու իրավունքների ակտիվիստների լրատվական գործակալությունը (HRANA):

Նշենք, որ Բաքվում գրանցված այդ կազմակերպության նպատակն Իրանի հյուսիսային՝ թյուրքախոս իրանցիներով բնակեցված նահանգներն Իրանից անկախ հռչակելն ու Ադրբեջանին միացնելն է:

Թուրքիայի պետական լրատվական գործակալության հաղորդմամբ՝ Ալի Ազիզին պաշտպանում է Իրանում բնակվող ազերիների «մայրենի լեզվով կրթություն ստանալու և վերջիններիս այլ սահմանադրական իրավունքները»։

Թուրքիայում հատկապես վերջին շրջանում պանթյուրքիզմի քողի ներքո իրականացվող քարոզչության նպատակն է ակտիվացնել Իրանի թյուրքախոս ժողովուրդներին։

Աղբյուր` aa.com.tr

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։