Քաղաքական12:22, 16 Դեկտեմբեր 2020
Թուրք պրոֆեսոր․ «Իրանը ԼՂ-ից հետո դուրս է մղվում Նախիջևանի հավասարումից»
Թուրքիայի Բողազիչի համալսարանի պրոֆեսոր Գյուրքան Քյումբարօղլուն «Yeni Şafak» թերթին տված հարցազրույցում անդրադարձել է Թուրքիայի և Ադրբեջանի միջև ստորագրված Իգդիր-Նախիջևան գաղատարի կառուցման վերաբերյալ փոխըմբռնման հուշագրին և տարածաշրջանային վերջին զարգացումներին։
Գյուրքան Քյումբարօղլուն համոզմունք է հայտնել, որ Լեռնային Ղարաբաղից հետո Իրանը դուրս է մղվում Նախիջևանի հավասարումից։
Թուրք պրոֆեսորը նշել է, որ կովկասյան տարածաշրջանում «նոր էջ բացած Ադրբեջանի հաղթանակից հետո» տարածաշրջանում նոր հավասարում է ստեղծվում։
Նրա դիտարկմամբ՝ Թուրքիայի ու Ադրբեջանի միջև նոր գազատարի կառուցմամբ, որը բավարարելու է Նախիջևանի բնական գազի կարիքները, կվերականգնվի և՛ Նախիջևանի տնտեսությունը, և կապահովվի տարածաշրջան բնական գազի անխափան մատակարարումը։
Պրոֆեսորն ընդգծել է, որ հիշյալ գազատարի ծրագիրը ռազմավարական տեսանկյունից լուրջ նշանակություն ունի Թուրքիայի համար։
Քյումբարօղլուն, հիշեցնելով, որ Նախիջևանը բնական գազը ստանում է Իրանից, ասել է․ «Նախիջևանը էներգետիկայի հարցում Իրանից կախում ունեցող երկիր էր։ Այն Թուրքիայի համար դեպի թյուրքական աշխարհ բացվող դարպաս է, ինչպես նաև թյուրքական աշխարհի հետ միավորող դուռ»։
Նա կարևորել է նաև թյուրքական աշխարհի հետ կապի ապահովումն ու այս տարածաշրջաններում ազդեցիկ դերակատարման համար Թուրքիայի կողմից ենթակառուցվածքայի ծրագրերի իրականացումը։
Պրոֆեսորը, այնուհետև անդրադառնալով Նախիջևանն Ադրբեջանին կապող հնարավոր միջանցքի ստեղծմանը, նշել է, որ այն իրականացվելու դեպքում և՛ Ադրբեջանի ու Նախիջևանի միջև տրանսպորտային կապ կապահովվի, և՛ նաև Կասպից ծով- Թուրքիա էներգետիկ խողովակաշարը կկրճատվի 300 կմ-ով։
Այս ենթաբաժնի վերջին նորությունները
Քննարկվելու են նաև Թուրքիայի հարավային սահմաններում անվտանգ գոտի ստեղծելու համար տարվող աշխատանքներն ու անդրսահմանային նոր ռազմագործողությունները։
Իսկ Իսրայելում Չավուշօղլուն կհանդիպի իր պաշտոնակից Յաիր Լապիդի հետ:
Նշվում է, որ թուրքական ավիաընկերություններն ընդդիմացել են ռուսական ավիաընկերությունների դեմ իրականացվող պատժամիջոցներին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Պաշտոնական Աթենք. «Մենք մտադիր չենք Թուրքիայի նախագահի հետ բանավեճի մեջ մտնել, որովհետև մեր քաղաքականությունը սկզբունքների քաղաքականություն է»։
Հիշեցնենք, որ Թուրքիայի զինված ուժերն ապրիլի 17-ին նոր ներխուժում են իրականացրել Իրաքի հյուսիսային շրջաններ, որտեղ գտնվում են PKK-ի ճամբարները, զինապահեստներն ու թաքստոցները:
Նա նշել է, որ այդ գործողությունները կսկսվեն այն ժամանակ, երբ ավարտվեն նախապատրաստական աշխատանքները:
Նշվում է, որ թուրքական ավիաընկերություններն ընդդիմացել են ռուսական ավիաընկերությունների դեմ իրականացվող պատժամիջոցներին:
Շվեդիայի և Ֆինլանդիայի պատվիրակությունները կմեկնեն Անկարա, որտեղ տեղի կունենա եռակողմ հանդիպում:
Օրացույց
արտարժույթ
| EUR | TRY | USD |
| 549.84 | 90.05 | 485.12 |