Միջազգային12:10, 11 Դեկտեմբեր 2020
ԵՄ ղեկավարները որոշել են լրացուցիչ պատժամիջոցներ սահմանել Թուրքիայի դեմ
Եվրամիության (ԵՄ) անդամ երկրների ղեկավարները որոշել են ընդլայնել Թուրքիայի դեմ պատժամիջոցները` Միջերկրական ծովի արևելյան հատվածում այդ երկրի ապօրինի գործողությունների պատճառով: Այս մասին ասվում է Բրյուսելում կայացած ԵՄ գագաթնաժողովի մասնակիցների հայտարարության մեջ։
Հայտարարությունում մասնավորապես նշվում է․ «ԵՄ-ն շարունակում է հավատարիմ մնալ միության և դրա անդամ պետությունների շահերի պաշտպանությանը, ինչպես նաեւ տարածաշրջանային կայունության պահպանմանը: Այս կապակցությամբ գագաթնաժողովը հանձնարարում է ԵՄ Խորհրդին լրացուցիչ սև ցուցակ ընդունել` հիմնվելով Միջերկրական ծովում Թուրքիայի ապօրինի գործունեության պատճառով սահմանափակող միջոցների մասին 2019 թվականի նոյեմբերի 11-ի որոշման վրա»:
ԵՄ ղեկավարները ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեփ Բորելին և Եվրահանձնաժողովին հանձնարարել են Անկարայի դեմ պատժամիջոցների ընդլայնման այլ տարբերակներ ներկայացնել 2021 թվականի մարտին կայանալիք գագաթնաժողովին: Մասնավորապես պահանջվում է զեկույց պատրաստել Թուրքիա-ԵՄ տնտեսական, քաղաքական և առևտրային հարաբերությունների վիճակի վերաբերյալ։
France-Presse լրատվական գործակալության տված հարցացրույցում անանուն դիվանագետը հայտնել է, որ որոշված միջոցառումները նախատեսում են պատժամիջոցներ ֆիզիկական անձանց նկատմամբ և հնարավոր է, որ լրացուցիչ միջոցներ ձեռնարկվեն, եթե Թուրքիայի շարունակի իր ապօրինի գործողությունները։
Այս ենթաբաժնի վերջին նորությունները
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Հայտնի են խաղաղության շուրջ մայիսի 15-ին կայանալիք ռուս-ուկրաինական բանակցությունների կազմերը:
Նա հայտարարել է, որ խոստումների իրականացմանը հետևելու է թուրքական Ազգային հետախուզական ծառայությունը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |