Քաղաքական13:09, 01 Դեկտեմբեր 2020
Թուրքիան Իսրայելի հետ հարաբերությունների կարգավորման համար ակտիվացրել է կուլիսային դիվանգիտությունը
Թուրքիան Իսրայելի հետ հարաբերությունների կարգավորման համար դռնփակ հանդիպումներ է իրականացնում, այդ հարցում առանցքային դեր է վերապահելով Թուրքիայի ազգային հետախուզական ծառայության ղեկավար Հաքան Ֆիդանին։ Այս մասին հայտնում է «Al Monitor» լրատվականի թղթակից Ամբերին Զամանը։
Ըստ նրա՝ Թուրքիան Իսրայելի հետ հարաբերությունների կարգավորման համար որոշ ժամանակ առաջ ակտիվացրել է հետախուզական ծառայության գործունեությունը։
«Al Monitor»-ին հայտնած երեք գաղտնի աղբյուր հաստատել են, որ վերջին շաբաթների ընթացքում կայացած հանդիպումներից առնվազն մեկում ներկա է գտնվել Հաքան Ֆիդանը, սակայն այդ աղբյուրները հրաժարվել են մանրամասնել, թե որտեղ են կազմակերպվել հանդիպումները։
Լրագրողը, անդրադառնալով վերջին ժամանակաշրջանում Մերձավոր Արևելքում Իսրայելի ձեռնարկած քայլերին, հիշեցրել է ԱՄԷ-ի հետ հարաբերությունների կարգավորման մասին։ Նրա դիտարկմամբ՝ Իսրայելն այդ քայլով տարածաշրջանում սկսել է ամրապնդել իր դիրքերը և ազդել ուժային բալանսի փոփոխման վրա։
«Թուրքիան «Մավի Մարմարա» նավի միջադեպից հետո մինչև օրս Իսրայելի հետ կուլիսային դիվանագիտություն է վարում»,- գրում է Ամբերին Զամանը։
Հիշեցնենք, որ 2010 թվականին «Մավի Մարմարա» նավի վրա Իսրայելի ռազմածովային ուժերի հարձակումից հետո Անկարան իր դեսպանին հետ էր կանչել Թել Ավիվից, և երկու երկրների միջև հարաբերությունները մնում էին լարված:
Անկարան միջադեպից 6 տարի անց՝ 2016թ․ Թել Ավիվում կրկին դեսպան նշանակեց՝ ազդարարելով հարաբերություններում առկա լարվածության թուլացումը։ Սակայն կարճ ժամանակ անց Իսրայելի կողմից Գազայի դեմ հարձակումները և 2018թ․ ԱՄՆ-ի՝ դեսպանատունը Թել Ավիվից Երուսաղեմ տեղափոխելու որոշումից հետո թուրք-իսրայելական հարաբերությունները լարվածության նոր շրջափուլ թևակոխեցին։ 2018թ․ մայիսից Թուրքիան և Իսրայելը հետ կանչեցին իրենց դեսպաններին։
Այս ենթաբաժնի վերջին նորությունները
«Կտրականապես մերժում ենք որևէ կերպ Սիրիայի ժողովրդին չներկայացնող Ժողովրդական ժողովի սանձարձակ և ապօրինի հայտարարությունը՝ ուղղված մեր երկրի տարածքային ամբողջականության դեմ»,- շեշտել է Բիլգիչը։
«Եվրախորհրդին հրավիրում ենք խուսափել ընթացք տալ այս որոշմանը, որն անկախ դատական համակարգին միջամտության բնույթի ունի»,- ընդգծվել է Թուրքիայի ԱԳՆ-ի հայտարարությունում։
Երկու երկրների արտաքին գործերի նախարարները քննարկել են նաև տարածաշրջանային այլ խնդիրներ ու հարցեր:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
1790թ. կառուցված, այժմ կիսավեր վիճակում գտնվող եկեղեցին 2010-ին գրանցվել է որպես պատմական հուշարձան:
Եվրախորհրդի մարդու իրավունքների հանձնաժողովը խախտում էր որակել 4 տարի անազատության մեջ պահվող թուրք գործարար Օսման Քավալայի ազատազրկման ժամկետի երկարացման որոշումը։
Նախկին պատգամավորը, սակայն, չի ընդունել իրեն առաջադրված մեղադրանքը՝ հակադարձելով, որ իր գրառումները քննադատություն են եղել՝ ուղղված իշխանությանը:
Երկու երկրների արտաքին գործերի նախարարները քննարկել են նաև տարածաշրջանային այլ խնդիրներ ու հարցեր:
Գործողությունն իրականացնող անձնակազմի մեջ ներառված են հոտուկջոկատայիններ, ժանդարմերիայի և ոստիկանության աշխատակիցներ:
Օրացույց
արտարժույթ
| EUR | TRY | USD |
| 549.84 | 90.05 | 485.12 |