Առաջին անգամ ԱՄԷ-ն ու Ֆրանսիան մասնակցում են Հունաստանի, Կիպրոսի և Եգիպտոսի զորավարժություններին

Տնտեսական13:03, 30 Նոյեմբեր 2020

Առաջին անգամ ԱՄԷ-ն ու Ֆրանսիան մասնակցում են Հունաստանի, Կիպրոսի և Եգիպտոսի զորավարժություններին

Պատմության մեջ առաջին անգամ Ֆրանսիան և Արաբական Միացյալ Էմիրությունները (ԱՄԷ) Հունաստանի, Կիպրոսի և Եգիպտոսի հետ միասին կմասնակցեն «MEDUSA» զորավարժություններին:

Զորավարժությունները մեկնարկում են 2020-ի նոյեմբերի 30-ից և կտևեն մինչև դեկտեմբերի 6-ը։ Զորավարժությունները, որոնք անցկացվում են 2017-ից, պաշտպանության և անվտանգության ոլորտում Կիպրոսի, Հունաստանի և Եգիպտոսի միջև եռակողմ համագործակցության մաս են կազմում:

Այս համագործակցությունն այս տարի էապես ամրապնդվում է, քանի որ առաջին անգամ մասնակցելու են Ֆրանսիայից և Արաբական Միացյալ Էմիրություններից ժամանած ուժերը:

Բազմազգ զորավարժությունները տեղի կունենան նաև Եգիպտոսում, մասնավորապես Ալեքսանդրիայում և Կահիրեի թռիչքների տեղեկատվական շրջանում:

Զորավարժությունների ընթացքում, որոնք բաժանված են երեք փուլի, կկիրառվեն որոնողափրկարարական աշխատանքներ, էլեկտրոնային պատերազմներ, վերգետնյա վարժանքներ և գործի կդրվեն ծովային կազմավորումներ: Նշվում է, որ Թուրքիան իրեն մեկուսացված է զգում Արևելյան Միջերկրական ծովում զորավարժանքների պատճառով: Թուրքիայի ՊՆ-ն հայտարարել է. «Զորավարժությունը ևս մեկ անգամ ցույց է տալիս, թե ով է ցանկանում լարվածության աճ, խուսափում երկխոսությունից և չի ցանկանում խաղաղություն»։

Աղբյուր` haber7.com

Այս ենթաբաժնի վերջին նորությունները

14:54, 22 օգոս

Թուրքիայի տրանսպորտի նախարարը նորից խոսել է «Զանգեզուրի միջանցքից»

Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։

17:40, 21 օգոս

Սիրիան արգելել է թուրքական արտադրության 20 սննդատեսակի ներմուծումը

Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։