Երկրաշարժ Էգեյան ծովում

Հասարակական11:14, 06 Նոյեմբեր 2020

Երկրաշարժ Էգեյան ծովում

Նոյեմբերի 6-ին Էգեյան ծովում 4․5 մագնիտուդ ուժգնությամբ երկրաշարժ է գրանցվել։

Թուրքիայի աղետների և արտակարգ իրավիճակների կառավարման վարչության (AFAD) տեղեկացմամբ` երկրաշարժը գրանցվել է տեղական ժամանակով ժամը 01։16-ի սահմաններում։

Ստորգետնյա ցնցումները գրանցվել են ընդերքի 8․32 կմ խորության վրա։

Թուրքիայի Քանդիլլի սեյսմիկ ծառայության տվյալների համաձայն, երկրաշարժի ուժգնությունը կազմել է 4․4 բալ։

Երկրաշարժից 3 րոպե անց ևս մեկ երկրաշարժ է գրանցվել Էգեյան ծովում գտնվող հունական Սամոս կղզում՝ 3․6 մագնիտուդ ուժգնությամբ։ Ցնցումները գրանցվել են ընդերքի 9․7 կմ խորության վրա։

Հիշեցնենք, որ հոկտեմբերի 30-ին 6.6 մագնիտուդ ուժգնությամբ խոշոր երկրաշարժ էր գրանցվել Էգեյան ծովին ափամերձ Իզմիր քաղաքում և հարակից շրջաններում։ Երկրաշարժի հետևանքով եղել են բազմաթիվ ավերածություններ, զոհվել էր 114 և վիրավորվել 1035 քաղաքացի։ Ցնցումների հետևանքով Էգեյան ծովի ջրերը վարարել էին ու ջրհեղեղ առաջացրել Իզմիրում։

Աղբյուր` Ermenihaber.am

Այս ենթաբաժնի վերջին նորությունները

16:14, 26 նոյ

Թուրքիայում կորոնավիրուսի դեպքերի ռեկորդային աճ է արձանագրվել

Հուլիսից սկսած առաջին անգամ Թուրքիայի կառավարությունը երեկ երեկոյան հրապարակել է նաև ասիմպտոմ վարակիրների վիճակագրությունը։

13:16, 19 նոյ

Կորոնավիրուսից մահացել է Գուգարաց թեմի առաջնորդ Սեպուհ արքեպիսկոպոս Չուլջյանը

Այս մասին Մայր Աթոռ Սուրբ Էջմիածինը հաղորդագրություն է տարածել։

11:05, 19 նոյ

Գերմանիայի խորհրդարանն ընդունել է «Գորշ գայլերի» գործունեությունն արգելելու մասին առաջարկը

«Գորշ գայլերի» թևը համարվող «Գերմանիայի դեմոկրատական իդեալիստական թուրքական կազմակերպությունների համադաշնության» կազմում կա 170 կազմակերպություն՝ շուրջ 7․000 անդամով։