ERMENI HABER AJANSI

Ներկայիս Թուրքիայի Իզմիր նահանգի Սեֆերիհիսար շրջանում 7․1 մագնիտուդ ուժգնությամբ երկրաշարժ  է գրանցվել։

Թուրքիայի աղետների և արտակարգ իրավիճակների կառավարման վարչության (AFAD) տեղեկացմամբ` երկրաշարժը գրանցվել է հոկտեմբերի 30-ին` տեղական ժամանակով ժամը 14։51-ի սահմաններում։

Ստորգետնյա ցնցումները գրանցվել են ընդերքի 17․26 կմ խորության վրա։ Երկրաշարժը զգացվել է նաև Իզմիրին հարակից շրջաններում, Էգեյան և Մարմարա ծովերում, Ստամբուլում և Բուրսայում։ Նախնական տեղեկությունների համաձայն՝ 21 շենք է փլուզվել։ Փլատակաների տակից դուրս է բերվել Թուրքիայի ավելի քան 70 քաղաքացի։ Կա 438 վիրավոր և 12 զոհ։

Երկրաշարժին անմիջապես հաջորդել է ցունամին։ Ջրով են ողողվել ափամերձ շրջանների որոշ փողոցներ։ Կարճ ժամանակ անց տեղի է ունեցել ևս մեկ երկրաշարժ՝ 4․3 մագնիտուդ ուժգնությամբ։

Երկրաշարժի հետևանքով բնակչության շրջանում խուճապ է առաջացել:

İzmir'den gelen görüntüler. #deprem pic.twitter.com/N1urGSVKfo

— Pusholder (@pusholder) October 30, 2020

İzmir’e ve tüm Ege’ye geçmiş olsun. Umarım can kaybı yoktur. #izmir #deprem pic.twitter.com/C0nGBrPAWI

— Dostcan Şakar (@DostcanS) October 30, 2020

Allahım sen koru #deprem #izmir pic.twitter.com/kcb9gjnNFZ

— Yiğit Morningstar (@yigitbayraktar) October 30, 2020