Քաղաքական21:35, 24 Հոկտեմբեր 2020
Ֆրանսիան իր դեսպանին հետ է կանչում Թուրքիայից
Ֆրանսիան խորհրդակցությունների նպատակով հետ է կանչել Անկարայում իր դեսպանին։ Ինչպես նշում է թուրքական մամուլը, պատճառը Թուրքիայի նախագահ Ռեջեփ Թայիփ Էրդողանի՝ ֆրանսիացի իր պաշտոնակցին ուղղված վերջին հայտարարությունն է։
«Նախագահ Էրդողանի մեկնաբանություններն անընդունելի են։ Ավելորդությունն ու կոպտությունը մեթոդ չէ։ Մենք պահանջում ենք, որ Էրդողանը փոխի իր քաղաքականությունը, քանի որ դա վտանգավոր է բոլոր առումներով», - հայտնել են Ելիսեյան պալատից։
Միաժամանակ հայտնի է դարձել նաև, որ ֆրանսիացի դեսպանի հետկանչից հետո Ֆրանսիայի արտգործնախարարություն է կանչվել Փարիզում Թուրքիայի դեսպան Իսմայիլ Հաքքը Մուսան։
Հիշեցնենք, որ Թուրքիայի նախագահ Ռեջեփ Թայիփ Էրդողանը «Արդարություն և զարգացում» կուսակցության նահանգային համագումարում Ֆրանսիայի նախագահ Էմանուել Մակրոնին անվանել էր իսլամաֆոբ, բողոքել, որ նա շատ է անդրադառնում իրեն, ապա Ֆրանսիայի նախագահին բնորոշել էր որպես հոգեխանգարմունքի մեջ գտնվող մարդ ու խորհուրդ տվել ուղեղի ստուգում անցնել:
Ի դեպ, սա Էրդողանի առաջին վիրավորական ելույթը չէ՝ ուղղված Մակրոնին։ Ավելի վաղ, երբ Մակրոնը ասել էր, թե «ՆԱՏՕ»-ի ուղեղը մահացել է, Էրդողանը նրան ի պատասխան հայտարարել էր․ «Դու նախ քո ուղեղը ստուգել տուր»։
Այս ենթաբաժնի վերջին նորությունները
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Անկարայի համալսարարանը նշում է, որ ցույցերին մասնակցած համալսարականները ձերբակալվում են և համալսարանում բողոքի ցույցերը դադարեցնելու համար՝ բուհերն անցնում են հեռավար կրթության։
Հանդիպման օրակարգում են եղել երկկողմ հարաբերություններն ու տարածաշրջանային և միջազգային զարգացումները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայից տարեկան արտահանվում է 25 մլն տոննա միրգ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |