Արցախի Պաշտպանության բանակը թուրքական Bayraktar TB2 ԱԹՍ է խոցել (տեսանյութ)

Ռազմական01:50, 20 Հոկտեմբեր 2020

Արցախի Պաշտպանության բանակը թուրքական Bayraktar TB2 ԱԹՍ է խոցել (տեսանյութ)

Արցախի պաշտպանության բանակի կողմից այսօր խոցված հինգ անօդաչուներից մեկի մնացորդները պատկերող տեսանյութը թույլ է տալիս եզրակացնել, որ դրանցից առնվազն մեկը թուրքական արտադրության Bayraktar TB2 տեսակի հարվածային անօդաչու թռչող սարք է (ԱԹՍ):

Տեսանյութում երևում է սարքի սենսորային և տեսանկարահանող բլոկը, որը նույնական է Bayraktar TB2 ԱԹՍ-ի համանման բլոկի հետ: Բացի այդ, տեսանյութում երևում է սնուցող լարերից մեկը, որի վրա թուրքերենով գրված է GÜÇ ve Haberleşme Kablosu (հայերեն՝ սնուցման և կապի մալուխ):

Նշենք նաև, որ ՀՀ ՊՆ խոսնակ Շուշան Ստեփանյանը այս եզրակացությունը հաստատող գրառում է արել, որում մասնավորապես ասված է. «Ըստ Razm.Info-ի` ՊԲ-ի քիչ առաջ հրապարակված տեսանյութի կադրերից մեկում երևում է կանադական արտադրության CMX 15D օպտիկա, որից կա թուրքական արտադրության հարվածային Bayraktar TB2 ԱԹՍ-ների վրա, ինչը նշանակում է, որ հայկական կողմն առնվազն մեկ Bayraktar է խոցել»:

Աղբյուր` Ermenihaber.am

Այս ենթաբաժնի վերջին նորությունները

12:48, 08 սեպ

Հունական մամուլ. «Թուրքիայի զինված ուժերում ՀՕՊ համալրումները կարող են թիրախավորել Հունաստանին և Իսրայելին»

Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։

17:13, 05 սեպ

Ըստ իսրայելցի գնդապետի՝ Իսրայելը կտրականապես պատրաստ չէ թուրքական բանակի հետ պատերազմելուն

Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։