Դավութօղլուի հիմնած կուսակցությունը թեկնածու կառաջադրի 2023-ի նախագահական ընտրություններում

Քաղաքական12:20, 23 Սեպտեմբեր 2020

Դավութօղլուի հիմնած կուսակցությունը թեկնածու կառաջադրի 2023-ի նախագահական ընտրություններում

Թուրքիայի նախկին վարչապետ, նորաստեղծ «Ապագա» (GP-ԱԿ) կուսակցության հիմնադիր նախագահ Ահմեթ Դավութօղլուն հայտարարել է, որ իր կուսակցությունը 2023-ի նախագահական ընտրություններին մասնակցելու է սեփական թեկնածուով:

«Ինչ-որ մեկին նախագահ դարձնելու համար չենք հիմնել կուսակցություն»,- ասել է Դավութօղլուն՝ նշելով, որ առանձին հարցերում կարող են համագործակցել այլ ուժերի հետ:

«Ապագա» կուսակցությունն ունենալու է նախագահի իր թեկնածուն: Մեր գլխավոր նպատակն այն է, որ միայնակ անցնենք իշխանություն տանող ճանապարհը»,- նշել է Էրդողանի նախկին կուսակիցը:

Հիշեցնենք, որ Դավութօղլուն 2003-2009թթ եղել է այն ժամանակվա վարչապետ (Ներկայում Թուրքիայի նախագահ) Ռեջեփ Թայիփ Էրդողանի գլխավոր խորհրդականը, 2009-2014թթ եղել է Թուրքիայի արտաքին գործերի նախարարը։ 2014-2016թթ զբաղեցրել է Թուրքիայի վարչապետի ու Էրդողանի համահիմնադրած իշխող «Արդարություն և զարգացում» (AKP-ԱԶԿ) կուսակցության նախագահի պաշտոնները: Վարչապետի պաշտոնից Դավութօղլուն հրաժարվել է 2016-ի մայիսի 22-ին:

Աղբյուր` Cumhuriyet

Այս ենթաբաժնի վերջին նորությունները

15:12, 06 դեկտ

Բոսֆորի ափերին նավթատար նավերի խցանում է առաջացել ռուսական նավթի էմբարգոյի պատճառով

Թուրքիայում ստուգում են բոլոր նավերի լիարժեք ապահովագրության մասին նոր փաստաթղթերը:

11:19, 06 դեկտ

Չավուշօղլուն հերթական անգամ հաստատել է հայ-թուրքական գործընթացի կախվածությունը հայ-ադրբեջանականից

Չավուշօղլուն հերթական անգամ անդրադարձել ՀՀ-ի հետ տարվող գործընթացներին:

10:56, 06 դեկտ

Թուրքիայի պաշտպանության նախարարն այցելել է Ադրբեջանում

Աքարը խոսել է նաև Հայաստանի հետ իրականացվող գործընթացների մասին, պնդելով, որ հայկական կողմը է գնահատի Ադրբեջանի և Թուրքիայի միասին պարզված «խաղաղության ձեռքը»: