Իրավական14:22, 15 Սեպտեմբեր 2020
Թուրքիայում 6 տարում 73 քաղաքապետ է դատվել PKK-ի հետ կապ ունենալու համար
Թուրքիայի ներքին գործերի նախարարությունը (ՆԳՆ) վերջին տարիներին բազմաթիվ ազգությամբ քուրդ ՏԻՄ ղեկավարների է պաշտոնանկ արել: Նրանց մեծ մասն էլ մեղադրվել է Թուրքիայում ահաբեկչական համարվող «Քուրդիստանի բանվորական կուսակցության» (PKK-ՔԲԿ) ռազմաքաղաքական կազմակերպության հետ այս կամ այն կերպ կապ ունենալու համար և դատապարտվել տարբեր պատժաչափերի:
Այսպես՝ 2014-2019թթ.Թուրքիայի ՆԳՆ-ը պաշտոնից հեռացրել է 94 քաղաքապետի: Ավելի ուշ նրանցից 63-ին ահաբեկչական կազմակերպության հետ կապ ունենալու մեղադրանք է առաջադրվել: Քուրդ նախկին քաղաքապետերը դատապարտվել են ընդհանուր առմամբ 694 տարվա ազատազրկման:
Տեղական ինքնակառավարման մարմնի (ՏԻՄ) 47 ղեկավար էլ պաշտոնազրկվել է 2019-ից հետո, որոնցից դատապարտված 10-ի նախնական պատժաչափերի հանրագումարը կազմում է 66 տարի:
Ավելացնենք, որ պաշտոնանկ արված կամ դատապարտված ՏԻՄ ղեկավարները Թուրքիայի 3-րդ խոշոր խորհրդարանական կուսակցությունը հանդիսացող քրդամետ «Ժողովուրդների դեմոկրատական» (PKK-ՔԲԿ) կուսակցության անդամներ են: Հերթական ՏԻՄ ընտրությունների արդյունքում Թուրքիայի հիմնականում արևելյան ու հարավ-արևելյան քրդաբնակ շրջանների ղեկավարների պաշտոններում ընտրված քուրդ ղեկավարները որոշ ժամանակ անց ՆԳՆ-ի կողմից պաշտոնանկ են արվում «ՔԲԿ-ի հետ կապեր ունենալու հիմքով»:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |