Իրավական12:22, 11 Սեպտեմբեր 2020
88-ամյա թուրք գրողը նախկին պետպաշտոնյաներին վիրավորելու մեղադրանքով կալանավորվել է
88-ամյա թուրք գրող և գրականագետ Հասան Բասրի Այդընը Թուրքիայի արդարադատության նախկին նախարարներ Ջեմիլ Չիչեքին և Շևքեթ Քազանին հասցեին վիրավորանքներ հնչեցնելու մեղադրանքով կալանավորվել է:
Տարեց այդ քաղաքացին առողջական խնդիրների պատճառով Մալաթիայից ինքնաթիռով մեկնել է Ստամբուլ, որտեղ էլ և բերման է հենց օդանավակայանից։ Հայտնի է դարձել, որ գրողի դեմ ընթացող դատավարությունները դադարեցվել են, սակայն դատական գործերի պետական ռեգիստրից դրանք պաշտոնապես չեն ջնջվել, ինչի պատճառով Այդընին ձերբակալելու, իսկ այնուհետև՝ կալանավորելու որոշում է կայացվել։ 88-ամյա գրողը պիտի տեղափոխվի Սիլիվրիի կալանավայր։
Նշենք, որ Հասան Բասրի Այդընը 1954թ․ սկսել է գրականություն դասավանդել։ Առաջին անգամ նա կալանավորվել է 1960թ. այդ ժամանակվա Թուրքիայի վարչապետ Ադնան Մենդերեսի դեմ ընթացող ուսանողական ցույցերին մասնակցելու համար։
Դրանից հետո Այդընը մի քանի անգամ ձերբակալվել և անգամ աքսորվել է, իսկ 1981թ․ Թուրքիայի ներքին գործերի նախարարության որոշմամբ զրկվել է քաղաքացիությունից։ Այդ իրադարձությունը հիմք է հանդիսացել գրողի «Haymatlos» («Անհայրենիք») երկի ստեղծման համար։
Իր մեկ այլ՝ «Tanrıya Mektuplar» («Նամակներ Աստծուն») ստեղծագործության պատճառով ևս գրողն ազատազրկման է դատապարտվել։ Պատժի մի մասը գրողը կրել է կալանավայրում, իսկ հետո ազատազրկումը փոխարինվել է տնային կալանքով։
Նա Թուրքիայի արդարադատության նախարարին և այլ բարձրաստիճան պաշտոնյաներին ուղղված դիմումների, գրությունների կամ գեղարվեստական ստեղծագործությունների պատճառով ընդհանուր առմամբ 27 անգամ ազատազրկվել է։
Այս ենթաբաժնի վերջին նորությունները
2016թ. սկսած նահանգապետարանի հայտարարություններում արգելքը հիմնավորվում է անվտանգության նկատառումներով՝ կապված քուրդ զինյալների հնարավոր գործողությունների հետ։
Ցուցակում տեղ է գտել նաև քրդամետ «Ժողովուրդների դեմոկրատական» կուսակցության հիմնադիր 2016 թվականից թուրքականան բանտում գտնվող Սելահաթթին Դեմիրթաշի եղբայրը՝ Նուրեթթին Դեմիրթաշը:
Սա եղել է թուրքական դատարանի առաջին վճիռը, որը կայացվել է Քավալայի գործով Թուրքիայի դեմ «խախտման ընթացակարգ» սկսելու մասին Եվրոպայի խորհրդի նախարարների կոմիտեի հայտարարությունից հետո։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այդ խոսքին ի պատասխան՝ Էրդողանի փեսա Սելչուք Բայրաքթարը Twitter-ում հետևյալ գրառումն է արել.
եթե Աթենքի մտադրությունն իրականացվի, ապա Էգեյան ծովում հունական մասնաբաժինը կհասնի 72.8%-ի, իսկ թուրքականը 16.3%-ից կնվազի 9.27%:
Կառավարության նիստը հունվարի 17-ի փոխարեն տեղի կունենա հունվարի 20-ին՝ պայմանավորված նախագահ Ռեջեփ Թայիփ Էրդողանի այցով Ալբանիա։
Հարցումներն իրականացվել են Ադանայում, Անկարայում, Բալըկեսիրում, Բուրսայում, Դիարբեքիրում, Էրզրումում, Ստամբուլում, Իզմիրում, Կայսերիում, Սամսունում, Տրապիզոնում և Վանում։
«Ժողովրդահանրապետական» կուսակցության նախագահ Քեմալ Քըլըչդարօղլուն սիրիացիների ետ վերադարձի հարցին անդրադարձել է «Հաթայ էքսպո 2021»-ի շրջանակներում ունեցած ելույթում։
Օրացույց
արտարժույթ
| EUR | TRY | USD |
| 549.84 | 90.05 | 485.12 |