Ռազմական10:23, 02 Սեպտեմբեր 2020
Թուրքական մամուլի պնդմամբ՝ Ֆրանսիան մտադիր է ավիակիր ուղարկել Արևելյան Միջերկրական
Միջերկրական ծովի արևելյան հատվածում թուրք-հունական հարաբերություններում առկա լարվածությունը շարունակում է սրվել: Հունաստանի պաշտպանության նախարարությունը հայտարարել է Արևելյան Միջերկրականում Ֆրանսիայի, Կիպրոսի Հանրապետության և Իտալիայի մասնակցությամբ եռօրյա զորավարժություններ անցկացնելու մասին: Իսկ Ֆրանսիայի նախագահ Էմանուել Մակրոնը Միջերկրական ծովի արևելյան հատվածում Թուրքիայի վարած քաղաքականության պատճառով հայտարարել էր Անկարայի դեմ «կարմիր գծերի քաղաքականություն» վարելու մասին:
Թուրք-հունական հարաբերությունների լարվածության ֆոնին սրվել են նաև թուրք-ֆրանսիական հարաբերությունները:
Թուրքական լրատվամիջոցների պնդմամբ` Ֆրանսիայի նախագահ Էմանուել Մակրոնը մտադիր է «Շարլ դը Գոլ» ավիակիրն ուղարկել Միջերկրական ծովի արևելյան հատված:
Նշվում է, որ Մակրոնի այս մտադրության մասին ֆրանսիացի բարձրաստիճան պաշտոնյանները հայտնել են հունական հեռուստատեսությանը տված հարցազրույցում:
Աղբյուրների հաղորդմամբ` այդ ավիակիրի հետ միասին Ֆրանսիան պատրաստվում է Արևելան Միջերկրական ուղարկել նաև կործանիչներ և սուզանավեր:
Հավելենք, որ ավիակրի ջրատարողությունը կազմում է շուրջ 42 հազար տոննա, երկարությունը՝ 261.5, լայնությունը՝ 64.4 մ, բարձրությունը՝ 75 մ։ Նավն ունակ է բացել մինչև 27 հանգույց արագություն։ «Շառլ դը Գոլ»-ի ավիախմբում ներառված են 40 ինքնաթիռներ, այդ թվում՝ հեռահար ռադիոտեղորոշման E-2C Hawkeye և Rafale M կործանիչներ։
Այս ենթաբաժնի վերջին նորությունները
Թուրքիան չի հանդուրժելու քրդական YPG/SDG կառույցների՝ Սիրիայի ապագա վարչակարգի հետ ինտեգրման հնարավոր չարաշահումները։
Գործարքը, որի ընդհանուր արժեքը կազմում է ավելի քան 10 մլրդ դոլար, համարվում է Թուրքիայի պատմության մեջ ամենախոշոր ռազմական արտահանման պայմանագիրը։
Թուրքական լրատվամիջոցը նշում է, որ Հունաստանը Թուրքիայի դեմ օգտագործում է Հնդկաստանի խաղաքարտը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |