Էրդողանի կուսակիցն անպատվել է Դեմիրթաշին ու նրա երեխաներին, հետո՝ ջնջել գրառումը

Քաղաքական17:27, 02 Սեպտեմբեր 2020

Էրդողանի կուսակիցն անպատվել է Դեմիրթաշին ու նրա երեխաներին, հետո՝ ջնջել գրառումը

Թուրքիայում իշխող «Արդարություն և զարգացում» կուսակցության (ԱԶԿ-AKP) անդամ, Մանիսա նահանգից պատգամավոր ընտրված Թամեր Աքքալը սկանդալային գրառում է կատարել իր Twitter-ի միկրոբլոգում։

Քրդամետ «Ժողովուրդների դեմոկրատական» կուսակցության (HDP-ԺԴԿ) նախկին համանախագահ Սելահաթթին Դեմիրթաշը, ով 2016 թվականի նոյեմբերի 4-ից ի վեր բանտարկված է և գտնվում է Էդիրնեի բանտում, հայտնել էր, որ տևական ժամանակ է չի կարողանում տեսակցել ընտանիքի անդամների և իր երեխաների հետ։

Նրա այս հայտարարությունից հետո ԱԶԿ-ական պատգամավորը գրառում էր արել՝ նշելով. «Ասում են Սելո կոչված շունը իր թուլաներին չի կարողանում տեսնել։ Մեր նահատակների երեխաներն էլ իրենց հայրերին չեն կարողանում տեսնել։ Ալլահը կամ ձեզ է տալու, կամ մեզ»։

Դեմիրթաշի ընտանիքի հասցեին նման տգեղ վիրավորանք գրած պատգամավորը հետո արդեն հեռացրել է իր էջից այդ գրառումը և հայտնել, թե իբր ոչ թե ինքը, այլ իր խորհրդականներից մեկն է սխալմամբ այդ գրառումը հրապարակել։

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: