ԵՄ-ն կոչ է արել Թուրքիային իսկույն վերջ տալ լարվածությանը Միջերկրական ծովում

Քաղաքական14:02, 01 Սեպտեմբեր 2020

ԵՄ-ն կոչ է արել Թուրքիային իսկույն վերջ տալ լարվածությանը Միջերկրական ծովում

Եվրոպական հանձնաժողովը կոչ է արել պաշտոնական Անկարային զերծ մնալ լարվածությունը խորացնելուց և նստել երկխոսության։

Արտահայտելով իր մտահոգությունը Թուրքիայի կատարած քայլերի կապակցությամբ՝ ԵՄ-ն հայտարարել է, որ իր սպասելիքների համաձայն՝ այս լարվածությունը պետք է հանգուցալուծում ստանա միայն խաղաղ ճանապարհով։

Եթե երկխոսությունը արդյունք չտա, ապա ըստ Եվրահանձնաժողովի խոսնակի՝ Թուրքիան պետք է պատրաստ լինի ԵՄ պատժամիջոցներին։

ԵՄ 27 երկրների արտաքին գործերի նախարարներ ՆԱՏՕ-ի անդամ հանդիսացող Թուրքիայի, Հունաստանի և Կիպրոսի միջև ստեղծված լարված իրավիճակից ելքեր գտնելու նպատակով օրերս հանդիպել էին։

ԵՄ բարձրաստիճան դիվանագետներից մեկն էլ, ում անունը չի հրապարակվել, նշել է, որ եթե Անկարան ամուր և լուրջ երկխոսություն սկսի, ԵՄ-ն պատրաստ է քննարկել նոր մաքսային միություն ստեղծելու հարցը և Թուրքիային ավելի շատ գումար հատկացնել փախստականների հետ կապված ծրագրերի շրջանակներում։

Աղբյուր` Ermenihaber.am

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: