Քաղաքական13:22, 28 Օգոստոս 2020
Էրդողանը կֆինանսավորի «Գորշ գայլերի» առաջնորդի անունը կրող կամրջի շինարարությունը
Թուրքիայում «Գորշ գայլեր» ծայրահեղական խմբավորման քաղաքական թևը հանդիսացող «Ազգայնական շարժում» կուսակցության (MHP-ԱՇԿ) գործող նախագահ Դևլեթ Բահչելիի անունով Ադանա նահանգի Օսմանիյե բնակավայրում տարիներ շարունակ կամուրջ է կառուցվում, որը ֆինանսական խնդիրների պատճառով դեռ չի հաջողվում ավարտին հասցնել։
Ազգայնականների հոծ զանգվածներով հայտնի Օսմանիյե բնակավայրում Դևլեթ Բահչելիի անունը կրող կամուրջը ծրագրված էր, որ պատրաստ պետք է լիներ դեռևս 2018 թվականին։
Ազգայնական առաջնորդին նվիրված և կիսատ մնացած այս նախագծին օգնության ձեռք է մեկնել Թուրքիայի իսլամիստ նախագահ Ռեջեփ Թայիփ Էրդողանը։
Նրա կարգադրմամբ 700 միլիոն թուրքական լիրա է (շուրջ 95մլն դոլար) հատկացվելու կամրջի շինարարական աշխատանքներն ավարտին հասցնելու համար։
Էրդողանը, հավանաբար, այս կերպ նաև վարձահատույց է փորձում լինել ազգայնական առաջնորդին վերջին տարիներին իրեն ցուցաբերած քաղաքական զգալի աջակցության դիմաց։
Նշենք, որ «Գորշ գայլեր» խմբավորումը ստեղծվել է 1948-ին թուրք ազգային գաղափարախոս, գնդապետ Ալփարսլան Թյուրքեշի կողմից։
Կազմակերպության ակտիվիստները Թուրքիայի տարածքում և նրա սահմաններից դուրս բազմաթիվ անգամ քաղաքական սպանություններ և ահաբեկչական գործողություններ են կատարել։
1980 թվականի սեպտեմբերի 12-ի զինվորական հեղաշրջումից հետ «Գորշ գայլերի» համարյա բոլոր առաջնորդները ձերբակալվել են։ Դատավարության ընթացքում հաստատվել է կազմակերպության կողմից 594 մարդու սպանության փաստը։
Ներկայումս Թուրքիայի տարածքում նրանց գործունեությունը պաշտոնապես արգելված է, սակայն «Գորշ գայլերի» քաղաքական թև հանդիսացող «Ազգայնական շարժում» կուսակցությունը շարունակում է գործունեություն ծավալել։
Այս ենթաբաժնի վերջին նորությունները
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |