Թուրքիայում 1 օրում կորոնավիրուսի 1.500 դեպք է գրանցվել

Հասարակական09:25, 28 Օգոստոս 2020

Թուրքիայում 1 օրում կորոնավիրուսի 1.500 դեպք է գրանցվել

Թուրքիայում օգոստոսի 27-ին նոր տիպի կորոնավիրուսից (Covid-19) մահացել է 26 մարդ։ Այդ մասին «Twitter» միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։

Նախարարը նշել է, որ 1 օրում անցկացված 106․111 թեստի արդյունքում հաստատվել է կորոնավարակի 1․491 նոր դեպք։ Նույն ժամանակահատվածում գրանցվել է ապաքինման 995 դեպք:

Ըստ պաշտոնական տվյալների` մինչև օրս համավարակից ապաքինվել է 240.792 մարդ, իսկ 862 հիվանդ էլ գտնվում է վերակենդանացման բաժանմունքում։

Թուրքիայում մինչև այժմ ընդհանուր առմամբ արձանագրվել է վարակման 263․998 և մահվան 6․209 դեպք։ Թեստավորումների թիվը հասել է 6 մլն 727.860-ի։

Հիշեցնենք, որ Թուրքիայում պաշտոնական տվյալներով` կորոնավիրուսով վարակվելու առաջին դեպքը հաստատվել է մարտի 11-ին, իսկ մահվան առաջին դեպքը՝ մարտի 17-ին։

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։