Թուրք վերլուծաբան. «Ֆրանսիան «վատ ոստիկանի», իսկ Գերմանիան «լավ ոստիկանի» դեր է խաղում»

Քաղաքական17:41, 26 Օգոստոս 2020

Թուրք վերլուծաբան. «Ֆրանսիան «վատ ոստիկանի», իսկ Գերմանիան «լավ ոստիկանի» դեր է խաղում»

Թուրքիայի կողմից Միջերկրական ծովի արևելյան շրջանում իրականացվող սեյսմիկ հետազոտությունները դարձել են թուրք-հունական հարաբերությունների լարման և այդ տարածաշրջանում նոր վերադասավորումների պատճառ:

«Թուրքական «Oruç Reis» նավի կողմից իրականացվող հետազոտություններով պաշտոնական Անկարան ի՞նչ ուղերձ է հղում Աթենքին, ո՞ր դեպքում կարող են երկու երկրները համաձայնության գալ, Թուրքիան ի՞նչ քայլեր պետք է ձեռնարկի Միջերկրական ծովում» այս և այլ հարցերի շուրջ թուրք անվտանգության մասնագետ Աբդուլլահ Աղարը խոսել է «CNN TÜRK»-ի ուղիղ եթերում:

Աղարի վերլուծության համաձայն` Արևելյան Միջերկրականում Թուրքիան իրականում գործ ունի ոչ միայն Հունաստանի հետ: Նշել է, որ Հունաստանը մենակ չէ. Գերմանիան ու Ֆրանսիան առանցքային օպերացիայի հենց կենտրոնում են: Հիշեցրել է, որ Թուրքիային մեկուսացնելու համար Հունաստանին երբեմն սատարում են ինչպես Եգիպտոսը, ԱՄԷ-ն և Իսրայելը, այնպես էլ ԱՄՆ-ն:

Աղարը համոզմունք է հայտնել, որ տարածաշրջանում ակտիվ խաղացողների մեջ Ֆրանսիան «վատ ոստիկանի», իսկ Գերմանիան «լավ ոստիկանի» դեր է խաղում: Ինչ վերաբերում է ԱՄՆ-ին, ապա վերլուծաբանը նշում է, որ դեռևս նախօրեին ԱՄՆ-ն Հունաստանի հետ համատեղ զորավարժություններ է անցկացրել:

«Այս ամենը աշխարհաքաղաքական խճանկարի մի մասն է, այդ իսկ պատճառով էլ տեղի ունեցածը միայն Թուրքիային և Հունաստանին չի վերաբերում: Այն նաև ԵՄ-ի հարցն է»,-ասել է նա:

Հունաստանի հետ բանակցություններ վարելու վերաբերյալ հարցին ի պատասխան, մասնագետը նշել է, որ այո, անհրաժեշտություն կա, սակայն եթե Թուրքիան քննարկի Արևելյան Միջերկրականի հարցը, ապա իր կարծիքով, Անկարայի համար հետևանքները չեն կարող լավ լինել:

Դրա փոխարեն, նա գտնում է, որ Թուրքիան Հունաստանի հետ կարող է քննարկել Էգեյան կղզիների հարցը:

Աղբյուր` cnnturk.com

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: