Հունաստանը Իտալիայի, Ֆրանսիայի և Կիպրոսի հետ զորավարժություններ կանցկացնի Արևելյան Միջերկրականում

Քաղաքական13:52, 26 Օգոստոս 2020

Հունաստանը Իտալիայի, Ֆրանսիայի և Կիպրոսի հետ զորավարժություններ կանցկացնի Արևելյան Միջերկրականում

Միջերկրական ծովի արևելյան հատվածում թուրք-հունական հարաբերություններում առկա լարվածությունը շարունակում է սրվել:

Հունաստանի պաշտպանության նախարարությունը հայտարարել է Արևելյան Միջերկրականում Ֆրանսիայի, Կիպրոսի Հանրապետության և Իտալիայի մասնակցությամբ եռօրյա զորավարժություններ անցկացնելու մասին:

Նշենք, որ նախօրեին Թուրքիայի պաշտպանական գերատեսչությունը հայտարարել էր իտալական ռազմանավի մասնակցությամբ մեկօրյա ծովային ուսումնավարժանքի անցկացման մասին: Վարժանքներն իրականացվել են Միջերկրականի այն հատվածում, որտեղ Հունաստանի անհամաձայնության պայմաններում սեյսմիկ հետազոտություններ է իրականացնում թուրքական «Oruç Reis» նավը։

Հունաստանի ՊՆ-ի հայտարարության մեջ ասվում է, որ զորավարժություններն անցկացվելու են Կրետե կղզու հարավում: Նշվում է, որ զորավարժություններին մասնակցելու են հունական ուժերին պատկանով F-16 կործանիչներ և ֆրանսիական արտադրության «Dassault Rafale» 4-րդ սերնդի բարելավված աստիճանի բազմաֆունկցիոնալ կործանիչներ, որոնք արդեն իսկ տեղակայվել են Կիպրոսի Հանրապետությունում:

Այդ թեմայով հայտարարություն է տարածել նաև Ֆրանսիայի ԶՈՒ-ն: Ըստ այդմ` Ֆրանսիան զորավարժություններին կմասնակցի 3 կործանիչով և 1 ֆրեգատով։

Հիշեցնենք, որ Թուրքիան երկարաձգել էր «Oruç Reis» նավով Արևելյան Միջերկրականի ջրերում սեյսմիկ հետազոտություններ իրականացնելու համար հայտարարած NAVTEX-ի (միջազգային զգուշացում որևէ ջրային տարածքում գործողություններ իրականացնելու մասին) ժամկետները։ Դրանով օգոստոսի 23-ին ավարտվելիք գործողությունները շարունակվելու են մինչև օգոստոսի 27-ը։

NAVTEX-ի ժամկետները երկարաձգելու մասին Անկարայի հայտարարությունից հետո Միջերկրական ծովում զորավարժություններ անցկացնելու նպատակով NAVTEX էր հայտարարել նաև Հունաստանը։ Սրան ի պատասխան՝ Թուրքիան էլ էր առանձին NAVTEX հայտարարել հետազոտությունների անցկացման վայրից ոչ հեռու մեկօրյա վարժանք անցկացնելու նպատակով։

Աղբյուր` t24.com.tr

Այս ենթաբաժնի վերջին նորությունները

14:22, 23 մայ

Էրդողան. «Այլևս մտադիր չեմ առաջադրել իմ թեկնածությունը»

Թուրքիայի նախագահը լրագրողների հետ հարցուպատասխանի ընթացքում անդրադարձել է նոր սահմանադրությանը։

11:57, 23 մայ

Իսրայելի հարձակումները խաթարում են Մերձավոր Արևելքում խաղաղության ջանքերը

Մայիսի 22-ին Թուրքիայի նախագահ Ռեջեփ Թայիփ Էրդողանի գլխավորությամբ կայացել է ազգային անվտանգության խորհրդի նիստ, որտեղ անդրադարձ է կատարվել արաբա-իսրայելական հակամարտությանը։

10:37, 23 մայ

Թուրքիան գոհունակություն է հայտնել Բաքու-Երևան խաղաղության պայմանագրի նախագծից

Մայիսի 22-ին Թուրքիայի նախագահ Ռեջեփ Թայիփ Էրդողանի գլխավորությամբ տեղի է ունեցել ազգային անվտանգության խորհրդի նիստ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին:

Հնդկաստանում կոչ են անում. «Թուրքիայի փոխարեն գնացեք Հունաստան»

Հնդկաստանի իշխանությունները մտադիր են 15 տոկոսով կրճատել Թուրքիայի հետ ունեցած առևտրաշրջանառությյունը։

Թուրքիայում տրվել է ցունամիի նախազգուշացում

Թուրքիայի կառավարության «Աղետների և արտակարգ իրավիճակների վարչությունը» (AFAD) հայտարարություն է տարածել, որտեղ նշվում է, որ Էգեյան ծովում գրանցվել է 6 բալ ուժգնությամբ երկրաշարժ։