Թուրքիայում նախկին նախարարը նոր կուսակցություն է հիմնել

Քաղաքական17:14, 25 Օգոստոս 2020

Թուրքիայում նախկին նախարարը նոր կուսակցություն է հիմնել

Թուրքիայի առողջապահության նախկին նախարար Ռըֆաթ Սերդարօղլուն նոր կուսակցություն է հիմնել` «Ճշմարիտ» կուսակցություն (Doğru Parti) անվամբ:

Օգոստոսի 25-ին Սերդարօղլուն համահիմնադիրների հետ միասին կուսակցության հիմնադրման դիմումը ներկայացրել է ներքին գործերի նախարարությանը: Կուսակցության 120 համահիմնադիրների ցանկում գերակշռում են երիտասարդները և կանայք: Կուսակցության կենտրոնական գրասենյակը բացվել է Անկարայում:

Նշենք, որ այս տարի Թուրքիայում հիմնվել է շուրջ մեկ տասնյակ նոր կուսակցություն: Այս նոր կուսակցությունը 92-րդն է Թուրքիայի քաղաքական կուսակցությունների ցանկում:

Քաղաքական գործիչը թուրքական «Hürriyet» թերթին տված հարցազրույցում հայտնել է, որ ինքn ընդդիմության շարքերն է համալրել 2007թ-ից: Նրա դեմ զրպարտության մեղադրանքով 100-ից ավել քրեական գործ է հարուցվել:

Ռըֆաթ Սերդարօղլուն ծնվել է 1948թ. ներկայիս Թուրքիայի Իզմիր նահանգի Բերգամա շրջանում: Նրա ընտանիքը ծագումով բալկաններից է: Նա կրթություն է ստացել Էգեյան համալսարանում: 1970-ական թթ. սկսել է զբաղվել ակտիվ քաղաքական գործունեությամբ: 1984թ. հիմնադրել է «Ճշմարիտ ուղի» կուսակցության Իզմիրի նահանգային կառույցը: Նույն կուսակցությունից ընտրվել է մեջլիսի պատգամավոր: 1993թ. նշանակվել է առողջապահության նախարար: Սերդարօղլուն ավելի ուշ փոխել է կուսակցական շարքերը, անդամակցելով «Մայր հայրենիք» կուսակցությանը:

Աղբյուր` haberler.com

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: