Ռազմական11:11, 25 Օգոստոս 2020
Թուրքիան ռազմածովային վարժանքներ կանցկացնի հունական Կրետե կղզու հարավում
Թուրքիան օգոստոսի 25-ին հայտարարել է հունական Կրետե կղզու հարավում թուրքական և դաշնակից երկրների (ՆԱՏՕ) ռազմանավերի մասնակցությամբ զորավարժություններ անցկացնելու մասին:
Այս մասին հաղորդագրություն է հրապարակել Թուրքիայի պաշտպանության նախարարարությունը:
Հաղորդագրությունում մասնավորապես ասվում է.
«Թուրքական և դաշնակից երկների ռազմածովային ուժերի նավատորմի նավերը 2020թ. օգոստոսի 26-ին Արևելյան Միջերկրականում փոխգործակցության և համակարգման բարելավման նպատակով համատեղ կանցկացնեն կարճաժամկետ անցումային դասընթացներ»:
Հիշեցնենք, որ ավելի վաղ Թուրքիան Կատելորիզո (Մեիս) կղզու շրջակայքում սեյսմիկ հետազոտություններ անցկացնելու մասին Navtex-ի (նավիգացիոն տելեքս) ծանուցագիր էր հրապարակել, ինչին ի պատասխան Հունաստանը նոր «Navtex» հրապարակեց: Նշյալ ծանուցագրով Հունաստանը մինչև օգոստոսի 27-ը սեյսմիկ հետազոտություններ է իրականացնելու հունական Կրետե, Կարպատոս, Հռոդոս կղզիների շրջակայքում և Կատելորիզո կղզու հարավում:
Նշենք, որ վերջին օրերին հույն-թուրքական հարաբերությունները առավել լարվել են հունական տարածքային ջրերի մոտ թուրքական «Oruç Reis» նավի կողմից սեյսմիկ հետազոտություններ իրականացնելու պատճառով։
Լարվածության թուլացման համար Գերմանիայի արտգործնախարար Հայկո Մասը օգոստոսի 25-ին կմեկնի Աթենք և Անկարա:
Այս ենթաբաժնի վերջին նորությունները
Թուրքիան չի հանդուրժելու քրդական YPG/SDG կառույցների՝ Սիրիայի ապագա վարչակարգի հետ ինտեգրման հնարավոր չարաշահումները։
Գործարքը, որի ընդհանուր արժեքը կազմում է ավելի քան 10 մլրդ դոլար, համարվում է Թուրքիայի պատմության մեջ ամենախոշոր ռազմական արտահանման պայմանագիրը։
Թուրքական լրատվամիջոցը նշում է, որ Հունաստանը Թուրքիայի դեմ օգտագործում է Հնդկաստանի խաղաքարտը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |