Կիպրոսի թուրքական ինքնահռչակ հանրապետության նախագահ․ «Մենք չենք պատրաստվում Թուրքիայի ենթական լինել»

Քաղաքական15:54, 20 Օգոստոս 2020

Կիպրոսի թուրքական ինքնահռչակ հանրապետության նախագահ․ «Մենք չենք պատրաստվում Թուրքիայի ենթական լինել»

Հյուսիսային Կիպրոսի ինքնահռչակ թուրքական հանրապետության նախագահ Մուսթաֆա Աքընջըն ուշագրավ հայտարարություն է արել` ասելով, որ իր երկիրը Թուրքիայի ենթական չի լինի։ Սոցցանցում արած գրառման մեջ նա Թուրքիային ակնարկել է, որ իրենց հարաբերությունները կարող են կառուցվել միայն փոխադարձ հարգանքի հավասարության հիման վրա։

Աքընջըն մասնավորապես գրել է․

«Ես միշտ պաշտպանել եմ Թուրքիայի հետ փոխադարձ հարգանքի վրա հենված հարաբերությունները։ Մեզանից Թուրքիայի թշնամի դուրս չի գա, բայց ենթակա էլ դուրս չի գա։

Ինչպես որ չուզեցանք հունական կողմում (Կիպրոսը նկատի ունի-խմբ․) որպես փոքրամասնություն մնալ, այնպես էլ չենք ցանկանում որպես ենթակա իշխանություն ընկալվել։ Մենք որպես պատվավոր ժողովուրդ, ցանկանում ենք այս հողերի վրա հավասարության, ազատության ու անվտանգության մեջ ապրել ` միջազգային իրավունքի շրջանակներում։ Ցանկանում ենք, որ բոլորն էլ հարգանք ցուցաբերեն մեր ժողովրդի այս զգացմունքների նկատմամբ։ Մեր ընտրությունների ժամանակ էլ միայն մեր ժողովուրդն ունի խոսքի իրավունք։ Որևէ միջամտություն, որը դուրս կգա դրա շրջանակներից, մեզ համար անընդունելի է»։

Աղբյուր` Ahaber

Այս ենթաբաժնի վերջին նորությունները

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ:

12:39, 15 մայ

Ռուտտեն անդրադարձել է ռուս-ուկրաինական բանակցություններում Թուրքիայի դերին

Դաշինքի գլխավոր քարտուղարն Անթալիայում մեկնարկած ՆԱՏՕ անդամ երկրների արտգործնախարարների ոչ պաշտոնական հավաքի 2-րդ օրը հանդես է եկել մամուլի ասուլիսով: