Քաղաքական14:01, 19 Օգոստոս 2020
Քըլըչդարօղլու. «Էրդողանին մի պայմանով 2 մլն լիրա կվճարեմ, եթե...»
Թուրքիայի նախագահ Ռեջեփ Թայիփ Էրդողանը պատրաստվում է ևս մեկ հայց ներկայացնել գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուի դեմ` փոխհատուցում պահանջելով այն պնդումների համար, թե Էրդողանն ու նրա ընտանիքը հսկայական հարստություն ունեն արտերկրում:
Էրդողանը մտադիր է 2 միլիոն լիրա (մոտ 270 600 դոլար) պահանջել՝ որպես «վնասի փոխհատուցում»:
Ընդդիմադիր կուսակցապետը, անդրադառնալով իր դեմ ներկայացվելիք դատական նոր հայցին, հայտնել է, որ մի պայմանով Թուրքիայի նախագահին 2 մլն թուրքական լիրա կվճարի. միայն այն դեպքում, երբ վերջինս ԱՄՆ Կոնգրեսի շանտաժին չենթարկվի և որևէ առարկություն չներկայացնի»։
Նրա խոսքով` շանտաժիստներն ուժեղ են դառնում այն ժամանակ, երբ պետությունը կառավարողները, որոնց սպառնում են իրենց ակտիվներով, սպառնալիքի դեմ լուռ են մնում:
«ԱՄՆ Կոնգրեսը, երբ աշխարհի առաջ Թուրքիայի նախագահի աթոռին նստած միհոգավորին ասաց. «ուսումնասիրելու ենք քո ունեցվածքը», Էրդողանը «ձեռնոց նետելու» փոխարեն լռեց»,- ասել է Քըլըչդարօղլուն:
Նա հիշեցրել է նաև 2005թ. CHP-ի նախագահ Դենիզ Բայքալի օրինակը, որը դիմելով Շվեյցարիայի պատկան մարմիններին, ապացուցել էր, որ արտերկրում ակտիվներ չունի:
Հիշեցնենք, որ ընդհանուր առմամբ, այս և այլ հայտարարությունների պատճառով թուրքական դատարանները ընդդիմադիր գործչին վերջին տարիների ընթացքում արդեն պարտավորեցրել են հազարավոր դոլարների հասնող փոխհատուցում վճարել Էրդողանին՝ հիմնականում «Թուրքիայի նախագահին վիրավորելու» հիմքով։
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։
Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։
Հաքան Ֆիդանը ելույթ է ունեցել Անկարայում կառուցվող արտգործնախարարության նոր շենքի հիմնարկեքի արարողության ժամանակ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։
Էրդողանը 2020-ին Թուրքիայի խորհրդարանի ամբիոնից Երուսաղեմը ներկայացրել էր որպես «մեր քաղաք»՝ նշելով դրա օսմանյան ժառանգության մասին։
Այդ հարցով հանդիպել են թուրք և իրանցի պաշտոնյանները։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Օմեր Բոլաթ. «Մենք 17 մլրդ դոլարի ներդրումներով Ադրբեջանում 1-ին տեղում ենք, իսկ Թուրքիայում կա ադրբեջանական մոտ 3000 ընկերություն»
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |