Թուրքիայում ապրիլից հետո 1-ին անգամ կորոնավարակի դեպքերի թվի աճ է գրանցվել

Հասարակական13:53, 14 Օգոստոս 2020

Թուրքիայում ապրիլից հետո 1-ին անգամ կորոնավարակի դեպքերի թվի աճ է գրանցվել

Թուրքիայում ապրիլի 4-ից հետո առաջին անգամ օգոստոսի 13-ին կորոնավիրուսով (Covid-19) վարակման դեպքերի թվի աճ է նկատվել։ Այդ մասին «Twitter» միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։

Նա նշել է, որ 1 օրում անցկացված 62․219 թեստի արդյունքում հաստատվել է կորոնավարակի 1․243 նոր դեպք, այնինչ մինչ այդ օրական դեպքերի թիվը տատանվում էր 1000 մարդու սահմաններում։ Նույն ժամանակահատվածում կորոնավարակից մահացել է 21 մարդ և գրանցվել է ապաքինման 965 դեպք:

Թուրքիայում մինչև այժմ ընդհանուր առմամբ արձանագրվել է վարակման 245․635 և մահվան 5․912 դեպք։

Հիշեցնենք, որ Թուրքիայում պաշտոնական տվյալներով` կորոնավիրուսով վարակվելու առաջին դեպքը հաստատվել է մարտի 11-ին, իսկ մահվան առաջին դեպքը՝ մարտի 17-ին։ Ապրիլի 4-ից հետո վարակման դեպքերի թվի անկում էր գրանցվել, ինչի արդյունքում մայիսին դեպքերի թիվը 800-ի սահմաններում էր, սակայն հունիսի 1-ից դեպքերի թիվը կրկին սկսեց աճել։

Աղբյուր` sozcu.com.tr

Այս ենթաբաժնի վերջին նորությունները

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։