Տնտեսական17:43, 04 Օգոստոս 2020
Վերջին 5 տարում Թուրքիան կրկնապատկել է հացահատիկի ներմուծումը
ԱՄՆ-ի գյուղատնտեսության նախարարության կազմած «Աշխարհի գյուղատնտեսական արտադրանքը» զեկույցի տվյալներով Թուրքիան դարձել է 2019-ին ամենամեծ ծավալով հացահատիկ ներկրող երկիրն աշխարհում։
Վերջին 5 տարում այդ երկիրը կրկնապատկել է հացահատիկի ներմուծման ծավալները։ Հացահատիկի ներմուծմանը զուգահեռ Թուրքիայում ոչ միայն չեն ավելանում ցանքատարածությունները, այլև պակասում են։
Ներմուծման ծավալների շարունակական ու արագ աճը Թուրքիայի պատկան մարմինները բացատրում են, նրանով, որ ներմուծված հումքից ալյուր ու մակարոն է արտադրվում ու արտահանվում։ Այս փաստարկը, սակայն, համոզիչ չի թվում մի շարք մասնագետների, որոնց պնդմամբ թուրք հողագործները սկսել են ցորեն չցանել, քանի որ դրա եկամտաբերությունը լավ չէ երկրում։ Այս պահին էլ երկրում ավելի քան 4 մլն հեկտար ցանքատարածություններ դատարկ են մնում։
Հրապարակված զեկույցում ներկայացված են նաև այն երկրները, որոնցից Թուրքիան հացահատիկ է ներմուծում, ինչպես նաև տվյալներ կան այն մասին, թե վերջին 5 տարում այդ երկրներից ներմուծումը քանի տոկոսով է ավելացել։
Ըստ այդմ՝ ամենաշատն աճել է Հունաստանից ներմուծումը. 5 տարում ավելացել է ավելի քան 6 անգամ (632%)՝ հասնելով 14,5 մլն դոլարի։Հացահատիկի ներմուծման ամենամեծ ծավալը բաժին է ընկնում Ռուսաստանին, որը 2019-ի համար կազմել է 1,5 մլրդ դոլար (5 տարում ավելացել է 115%-ով)։ Ծավալի առումով 2-րդ տեղում Ուկրաինան է՝ 224 մլն դոլար (ավելացել է 310%-ով)։ 3-րդ տեղում Կանադան է 198 մլն դոլարով (ավելացել է 314%-ով)։
2019-ին Թուրքիայի հացահատիկի ներմուծման ծավալները գումարային արտահայտմամբ կազմել է 2.3 մլրդ դոլար։
Այս ենթաբաժնի վերջին նորությունները
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |