Եգիպտոսի ԱԳՆ․ Արևելյան Միջերկրականում Թուրքիայի գործողությունները խախտում են մեր ինքնիշխան իրավունքները

Քաղաքական12:02, 03 Օգոստոս 2020

Եգիպտոսի ԱԳՆ․ Արևելյան Միջերկրականում Թուրքիայի գործողությունները խախտում են մեր ինքնիշխան իրավունքները

Եգիպտոսը քննադատել է Արևելյան Միջերկրականում Թուրքիայի սեյսմիկ հետազոտությունները և նավթահորատման աշխատանքները` դրանք որակելով որպես հարձակում Եգիպտոսի ինքնիշխան իրավունքների վրա։

Եգիպտոսի արտգործնախարարությունը թեմայի շուրջ հաղորդագրություն է տարածել, որում մասնավորապես նշվում է․

Նախորդ ամիս Թուրքիայի հրապարակած Navtex-ի (նավիգացիոն տելեքս) ծանուցագիրը նշանակում է խախտում և հարձակում Եգիպտոսի ինքնիշխան իրավունքների վրա։

Հայտարարությունում նաև շեշտվել է, որ Արևելյան Միջերկրականում Թուրքիայի սեյսմիկ հետազոտությունները համարվում են խախտում նաև Եգիպտոսի բացառիկ տնտեսական գոտու նկատմամբ։

Նշենք, որ սեյսմիկ հետազոտությունները գազի հետախուզման նախապատրաստական աշխատանքներից են:
Հիշենցնենք, որ թուրքական կողմը հայտարարել էր Հունաստանին պատկանող Հռոդոս և Մեիս կղզիների միջև ընկած ծովային տարածքում գազի որոնման նպատակով սեյսմիկ ուսումնասիրություններ կատարելու վերաբերյալ։ Հունաստանի և Թուրքիայի միջև սրված լարվածությունից հետո Թուրքիայի նախագահ Ռեջեփ Թայիփ Էրդողանի հրամանով «Օրուչ Ռեիս» նավը վերադարձել էր Անթալիայի նավահանգիստ։

Աղբյուր` hurhaber.com

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: