ԱՄՆ-ն խիստ նախազգուշացրել է Թուրքիային

Քաղաքական16:52, 23 Հուլիս 2020

ԱՄՆ-ն խիստ նախազգուշացրել է Թուրքիային

ԱՄՆ Պետքարտուղարությունը հանդես է եկել հայտարարությամբ՝ դատապարտելով Թուրքիայի իրականացրած գազի որոնման աշխատանքները, որոնք լարվածություն են առաջացնում Հունաստանի և Թուրքիայի փոխհարաբերություններում։

Ինչպես հայտնի է՝ թուրքական կողմը հայտարարել էր Հունաստանին պատկանող Հռոդոս և Մեիս կղզիների միջև ընկած ծովային տարածքում գազի որոնման նպատակով սեյսմիկ ուսումնասիրություններ կատարելու վերաբերյալ։

Ըստ այդ հայտարարության թուրքական «Օրուչ Ռեիս» նավը պետք է մուտք գործի այդ տարածք։

Հունաստանի, Եվրոպական միության երկրների հետ միասին այս զարգացումների վերաբերյալ իր մտահոգությունն է հայտնել նաև ԱՄՆ Պետքարտուղարությունը։

Պետքարտուղարությունը մասնավորապես կոչ է արել Թուրքիային ձեռնպահ մնալ այնպիսի քայլերից, որոնք ավելորդ լարվածություն են առաջացնում հույն-թուրքական հարաբերություններում։

ԱՄՆ-ն հորդորել է անմիջապես չեղարկել Հունաստանի ջրային տարածքում իրականացվող ծրագրերն ու դադարեցնել գազի որոնման աշխատանքները։

Հիշեցնենք, որ Թուրքիայի հայտարարությունից հետո Հունաստանն իր նավատորմը բերել է մարտական պատրաստվածության և հունական նավերը տեղակայվել են Էգեյան ծովում։

Այս ենթաբաժնի վերջին նորությունները

21:53, 25 հուլ

Փարիզում Սիրիա-Իսրայել անվտանգային հանդիպում է սպասվում

Հանդիպման մասին լուրերը տարածվեցին այն բանից հետո, երբ Սիրիան օգնության խնդրանքով պաշտոնապես դիմեց Թուրքիային:

16:20, 25 հուլ

Էրդողանը հանդիպում կունենա Պուտինի և Թրամփի հետ

Թուրքիայի նախագահն ասել է, որ փորձելու են ՌԴ-ի և ԱՄՆ-ի առաջնորդների հանդիպում կազմակերպել Ստամբուլում:

13:33, 25 հուլ

Թուրքիան դատապարտել է Իսրայելին Արևմտյան ափի բռնակցման որոշման համար

Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել: