Քաղաքական11:19, 17 Հուլիս 2020
Թուրքիայի խորհրդարանն Ադրբեջանին զորակցող հակահայկական հայտարարություն է արել
Թուրքիայի խորհրդարանը (մեջլիսը) Հայաստան-Ադրբեջան սահմանին տիրող իրավիճակի վերաբերյալ կողմնակալ և Հայաստանին մեղադրող հայտարարություն է արել։
Հայտարարության տակ ստորագրել են մեջլիսի 5 խմբակցություններից 4-ը՝ իշխող «Արդարություն և զարգացում» (ԱԶԿ-AKP), գլխավոր ընդդիմադիր «Ժողովրդահանրապետական» (ԺՀԿ-CHP), ազգայնամոլական «Ազգայնական շարժում» (ԱՇԿ-MHP) և «Լավ» կուսակցությունների խմբակցությունները։ Հայտարարությանը չի միացել մեջլիսում 3-րդ ուժ հանդիսացող քրդամետ «Ժողովուրդների դեմոկրատական կուսակցությունը»։
Հայտարարությունը մեջլիսի նիստի ընթացքում ընթերցել է խորհրդարանի փոխնախագահ Սյուրեյյա Սադի Բիլգինչը։ Դրանում ուղղակիորեն Հայաստանը մեղադրվել է «Ադրբեջանի վրա հարձակվելու», «Լեռնային Ղարաբաղը և շրջակա տարածքները բռնազավթելու» և «Հարավային Կովկասում խաղաղության և կայունության հաստատմանը խոչընդոտելու» մեջ։
Մեջլիսը միջազգային հանրությանը կոչ է արել անհրաժեշտ կերպով արձագանքել Հայաստանի պահվածքին, որը ըստ թուրք օրենսդիրների՝ «իրավունքը արհամարհող» պահվածք է։
Մեջլիսի 4 խմբակցություններն իրենց հայտարարությամբ անվերապահ աջակցություն են հայտնել Ադրբեջանին։
«Երկու պետություն, մեկ ազգ ընկալմամբ մշտապես խաղաղության և անվտանգության պաշտպան հանդիսացող Թուրքիան, այսուհետ ևս իր բոլոր հնարավորություններով կշարունակի լինել Ադրբեջանի կողքին տարածաքային ամբողջականությունը վերականգնելու վերջինիս ջանքերում»,- նշվել է հայտարարության մեջ։
Այս ենթաբաժնի վերջին նորությունները
Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։
Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:
Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլը Հնդկաստանի այդ քայլը կապում է Պակիստան-Հնդկաստան լարվածության ֆոնին Թուրքիայի կողմից Պակիստանին տրվող աջակցության հետ։
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:
ԱՄՆ պետքարտուղարությունն է տարածել վաճառքի հաստատման մասին համապատասխան հայտարարությունը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |