Քաղաքական12:39, 16 Հուլիս 2020
Թուրքիայի ԱԳՆ-ի կոշտ արձագանքը ՀՀ ԱԳՆ-ի հայտարարությանը
Թուրքիայի արտգործնախարարությունը արձագանքել է ՀՀ ԱԳՆ-ի՝ Թուրքիայում հնչած վերջին հայտարարությունների առնչությամբ հուլիսի 15-ի հայտարարությանը։
Հայտարարության մեջ Թուրքիան Հայաստանին մեղադրել է «երկերեսանի պահվածք դրսևորելու և Հարավային Կովկասում մնայուն խաղաղության և կայունության հաստատման դեմ իրական խոչընդոտ հանդիսանալու մեջ»։
Թուրքիայի համոզմամբ՝ Հայաստանի մոտեցումը մի մտածելակերպի դրսևորում է, որն «իր ինքնությունը ստեղծում է պատմության միակողմանի ընկալումից միայն թշնամանք քաղելով և ջանում է միջազգային իրավունքի դեմ իր ագրեսիան օրինական ներկայացնել» և հավելել, որ այդ դիրքորոշումը Թուրքիայի համար «զարմանալի չէ»։
Այնուհետև կրկնելով իրենց գերատեսչության ղեկավար Մևլութ Չավուշօղլուի հոխորտանքը, շեշտվել է․ «անհրաժեշտ է, որ Հայաստանի պետական մարմինները խելքները գլուխները հավաքեն և հնարավորինս շուտ սովորեն լինել Հարավային Կովկասում ոչ թե խնդրիների, այլ լուծումների մաս»։
Հիշեցնենք, որ գիշերը 03:40-ի սահմանում Ադրբեջանի զինուժը ձեռնարկել է դիվերսիայի փորձ: ՀՀ ՊՆ մամուլի խոսնակ Շուշան Ստեփանյանը տեղեկացրել էր, որ դիվերսիայի փորձը կասեցվել է և թշնամին կորուստ տալով հետ է շպրտվել: 05:20-ից սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից: Գիշերվա մարտերի ընթացքում հայկական բանակը կորուստներ չի ունեցել։
Նշենք նաև, որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք:
Հուլիսի 12-ին՝ ժամը 13:45-ին, Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են հայկական կողմից և կորուստներ կրելով` հետ շպրտվել:
Ադրբեջանական կողմը հրետակոծությունը շարունակել է նաև հուլիսի 13-ին և 14-ին։ Հուլիսի 15-ին սահմանին իրադրությունը համեմատաբար հանգիստ է եղել։ Ադրբեջանական կողմը պաշտոնապես հաստատված 11 զոհ, հայկական կողմը՝ 4:
Այս ենթաբաժնի վերջին նորությունները
Հիքմեթ Հաջիևը հարցազրույց է տվել թուրքական NTV հեռուստաալիքին։
Ունալ Չևիքյոզը նշել է, որ ըստ շրջանառվող լուրերի՝ Թուրքիան ռազմական օգնություն է ցուցաբերել Ադրբեջանին։
Դևլեթ Բահչելին հայտարարություն է արել արցախաադրբեջանական շփման գծի երկայնքով Բաքվի նախաձեռնած հարձակման վերաբերյալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նա վերահաստատել «Մեկ ազգ երկու պետություն» լինելու գաղափարը։
Դևլեթ Բահչելին հայտարարություն է արել արցախաադրբեջանական շփման գծի երկայնքով Բաքվի նախաձեռնած հարձակման վերաբերյալ:
Ունալ Չևիքյոզը նշել է, որ ըստ շրջանառվող լուրերի՝ Թուրքիան ռազմական օգնություն է ցուցաբերել Ադրբեջանին։
Նրա կարծիքով թուրքական իշխանությունները մի նոր արկածախնդրության մեջ մտնելու տրամադրություն ունեն։
«Ժողովրդահանրապետական կուսակցության» մեջլիսի խմբակցության ղեկավարը Twitter-ում գրառում է արել արցախա-ադրբեջանական շփման գծի երկայքնով ընթացող ռազմական գործողությունների վերաբերյալ։
Օրացույց
Հարցումներ
Արևելյան Միջերկրականում թուրք-հունական լարվածությունը կվերածվի՞ ռազմական բախման։
արտարժույթ
| EUR | TRY | USD |
| 549.84 | 90.05 | 485.12 |