Թուրքիայի ԱԳՆ-ն իր դժգոհությունն է հայտնել Կիպրոսին աջակցելու ԱՄՆ-ի նախաձեռնությունից

Քաղաքական12:35, 09 Հուլիս 2020

Թուրքիայի ԱԳՆ-ն իր դժգոհությունն է հայտնել Կիպրոսին աջակցելու ԱՄՆ-ի նախաձեռնությունից

Թուրքիային դուր չի եկել այն հանգամանքը, որ ԱՄՆ-ն Կիպրոսին ներառել է իր «Միջազգային ռազմական կրթություն և վարժանք» (IMET) ծրագրում։ Թեմային անդրադարձել է Թուրքիայի արտգործնախարարության խոսնակ Համի Աքսոյը։

«Ակնհայտ է, որ կողմերի միջև հավասարակշությունը խաթարող նման քայլերը չեն կարող նպաստել կղզում վստահության միջավայրի ստեղծմանն ու Միջերկրական ծովի արևելքում խաղաղության և կայունության ապահովմանը», - հայտարարել է Աքսոյը։

Նրա խոսքով՝ Կիպրոսի հունական և թուրքական հատվածների նկատմամբ համարժեք վերաբերմունքը բխում է ՄԱԿ-ի սկզբունքներից։ «Այս և նմանատիպ քայլերը չեն կարող նպաստել Կիպրոսի հիմնախնդրի հանգուցալուծմանը, այլ, ընդհակառակը, ավելի են ամրապնդում հունական կողմի՝ առանց այդ էլ անզիջում դիրքորոշումը», - նշել է Աքսոյը։

Նշենք, որ ավելի վաղ ԱՄՆ պետքարտուղար Մայք Պոմպեոն հայտարարել էր, որ աԱՄՆ–ը պատրաստվում է Կիպրոսին ներառել ռազմական կրության և վարժանքների նախագծում՝ այդ նպատակով նաև հատուկ ֆինանսավորում տրամադրելով այդ երկրին։

Աղբյուր` haberturk.com

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: