ԱՄՆ-ի սենատորները պահանջել են անհապաղ պատժամիջոցներ կիրառել Թուրքիայի դեմ

Քաղաքական10:45, 09 Հուլիս 2020

ԱՄՆ-ի սենատորները պահանջել են անհապաղ պատժամիջոցներ կիրառել Թուրքիայի դեմ

ԱՄՆ-ի հանրապետական և դեմոկրատական կուսակցությունների 4 սենատորներ նամակ են հղել պաշտպանության նախարար Մարկ Էսպերին՝ պահանջելով Թուրքիայի դեմ անհապաղ պատժամիջոցներ կիրառել։

Սենատորներ Ժան Շահինը, Քրիս Վան Հոլլենը, Թոմ Թիլլիսը և Ջեյմս Լանկֆորդը իրենց այդ պահանջը հիմնավորել են Թուրքիայի՝ Ռուսաստանից S-400 ՀՕՊ համակարգեր գնելու հանգամանքով։

Ժան Շահինն այդ նամակը հրապարակել է նաև Twitter-ում՝ կցելով հետևյալ մեկնաբանությունը․

«Մենք ջանացել ենք նախագիծն օրենքի վերածել, որպեսզի հստակորեն ցույց տանք Էրդողանին, որ ՆԱՏՕ-ին և տրանսատլանտյան անվտանգությունը թուլացնելու նպատակով նրա ձեռնարկած քայլերը չեն կարող հավանության արժանանալ։ Թուրքիային F-35 կործանիչների մատակարարման շղթայից հեռացնելը երկու կուսակցությունների համատեղ ջանքերի արդյունքն էր, որի նպատակն էր ապահովել, որպեսզի Էրդողանը պատասխան տա, ինչպես նաև՝ պաշտպանել ԱՄՆ-ի տեխնոլոգիաները։ Եկել է ժամանակը, որպեսզի իշխանությունները անհապաղ կիրառեն այս օրենքը»։

Երկուսուկես էջանոց նամակում հեղինակները հիշեցրել են Անկարայի և Մոսկվայի միջև ռազմական համագործակցության մասին և ընդգծել, որ այդ համագործակցության պատճառով իրենք 2018թ․-ից մինչ օրս հարկադրված են եղել բազմաթիվ օրենքի նախագծեր ներկայացնել։

Սենատորները դժգոհություն են հայտնել այն առթիվ, որ ի սկզբանե որոշվել էր Թուրքիային F-35-ների նախագծից հանել աստիճանաբար, փուլային սկզբունքով, բայց այդ գործընթացը բավականաչափ կանոնակարգված ու ժամանակին չի իրագործվում, ինչի արդյուքում ԱՄՆ-ի կողմից այդ քայլով Թուրքիային ուղղվող ուղերձի ազդեցությունը նվազում է։

Աղբյուր` Yeni Çağ Gazetesi

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: