Ռազմական16:47, 08 Հուլիս 2020
Ռուսաստանն ու Թուրքիան երկխոսում են Լիբիայում հրադադար հաստատելու նպատակով
Ռուսաստանն ու Թուրքիան երկխոսում են երկիշխանություն ունեցող Լիբիայում հրադադար հաստատելու նպատակով։ Այդ մասին հայտարարել է Ռուսաստանի արտգործնախարար Սերգեյ Լավրովը։
«Մեր թուրք գործընկերների հետ շարունակում ենք աշխատել Ռուսաստանի ու Թուրքիայի նախագահների կողմից հավանության արժանացած երկխոսության շրջանակներում։ Փորձում ենք համաձայնեցնել մեր այն տեսակետները, որոնք թույլ կտան Լիբիայում անհապաղ հրադադար հաստատել»,- մանրամասնել է Լավրովը։ Վերջինս շեշտել է նաև, որ իրենք շարունակում են բանակցությունները Լիբիայի հակամարտության մեջ ներգրավված բոլոր կողմերի հետ ու ավելացրել․ «Բոլոր կողմերին մեր ուղղած ազդակը շատ հստակ է՝ կատարվելիք առաջին և այլընտրանք չունեցող քայլը ռազմակական գործողությունների դադարեցման մասին հայտարարելն է»։
Լավրովից անմիջապես հետո թեմայի վերաբերյալ հայտարարություն է արել Թուրքիայի նախագահականի խոսնակ Իբրահիմ Քալընը։
«Մենք չենք ցանկանում, որ Լիբիան դառնա զինյալ խմբավորումների, վարձկան զինվորների կռվի թատերաբեմ։ Եթե պիտի քաղաքական լուծում լինի, ուրեմն անհրաժեշտ է մի կողմ թողնել ռազմական լուծումները»,- ասել է թուրք պաշտոնյան։
Քալընը նշել է նաև, որ Թուրքիան շարունակելու է իր աջակցությունը Լիբիայի՝ ՄԱԿ-ի կողմից ճանաճված «Ազգային համաձայնության կառավարությանը», որն այժմ ռազմական հակամարտության մեջ է գտնվում իշխանությունը իր ձեռքը վերցնել ցանկացող Լիբիայի ազգային բանակի հրամանատար գեներալ Խալիֆա Հաֆթարի գլխավորած ուժերի հետ։
«Թուրքիան շարունակելու է կանգնել օրինական կառավրության կողքին։Այդ հարցում մեր վճռականությունը չի կարող փոխվել» ,- ասել է Քալընը։
Նշենք, որ վերջին օրերին Լիբիական հակամարտությունն ավելի լարվեց այն բանից հետո, երբ կիրակի լուսադեմին անհայտ պատկանելության կործանիչների կողմից ռմբակոծվեց Թուրքիայի գործուն աջակցությամբ մայիսին «Ազգային համաձայնության կառավարության» վերահսկողության տակ անցած Ալ-Վաթըյա ավիաբազան։ Ռմբակոծության հետևանքով ոչնչացվել էին այնտեղ տեղակայված թուրքական ՀՕՊ համակարգերը։
Այս ենթաբաժնի վերջին նորությունները
Այն բացվել էր 2021-ի հունվարի 30-ին։ Կենրոնում ծառայում էին 60 ռուս և 60 թուրք զինվոր։
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |