Թուրքիայում ձերբակալվել են Ստամբուլյան կոնվենցիայի հնարավոր չեղարկման դեմ բողոքող կանայք

Իրավական12:43, 08 Հուլիս 2020

Թուրքիայում ձերբակալվել են Ստամբուլյան կոնվենցիայի հնարավոր չեղարկման դեմ բողոքող կանայք

Թուրքիայի նախագահ Ռեջեփ Թայիփ Էրդողանի կողմից Ստամբուլյան Կոնվենցիան վերանայելու կամ չեղարկելու հրահանգը ոչ միանշանակ է ընդունվել հասարակության տարբեր շերտերի կողմից։ Էրդողանի հայտարարությունից հետո իշխող «Արդարություն և զարգացում» կուսակցության (AKP-ԱԶԿ) խոսնակ Նուման Քուրթուլմուշը հայտարարել էր, որ ինչպես ստորագրել են կոնվենցիան, այնպես էլ դուրս կգան պայմանագրից։

Այս հայտարարությունը հատկապես կանանց շրջանում բացասական է ընդունվել՝ հանգեցնելով կոնվենցիայի հնարավոր չեղարկման դեմ լոկալ բողոքի ակցիաների։ Մասնավորապես մի խումբ կանայք Ընտանիքի, աշխատանքի ու սոցիալական ծառայությունների Ստամբուլի նահանգային վարչության պատին պաստառ են ամրացրել «Արդեն բավական է։ Կանայք կյանքի երաշխիք են ուզում» գրությամբ։

Կազմակերպիչներից մեկը ելույթ է ունեցել շենքի բաց պատուհանից, մյուսներն էլ վանկարկել են՝ չենք լռում, չենք վախենում, չենք ենթարկվում։

Ոստիկանության աշխատակիցները սակայն ընդհատել են ակցիան, իսկ այն կազմակերպող 7 կանանց ձերբակալել են։

Նշենք, որ «Կանանց նկատմամբ բռնության և ընտանեկան բռնության կանխարգելման ու դրա դեմ պայքարի մասին կոնվենցիա»-ն Ստամբուլյան կոնվենցիա է անվանվում, քանի որ ստորագրվել է Թուրքիայի Ստամբուլ քաղաքում 2011թ. մայիսի 11-ին: Եվրախորհրդի անդամ երկրների նախաձեռնությամբ հռչակված այս կոնվենցիան առաջինը վավերացրել է Թուրքիան 2012թ. մարտի 12-ին: 2019թ. մարտի դրությամբ այն ստորագրել է Եվրոպայի խորհրդի անդամ 46 երկիր և Եվրոպական միությունը:

Կոնվենցիան ուժի մեջ է մտել 2014-ի օգոստոսի 1-ից:

Եվրոպայի Խորհրդի մի շարք երկրների քաղաքական, հասարակական և կրոնական շրջանակների կողմից Ստամբուլյան կոնվենցիան ենթարկվում է սուր քննադատության:

Եվրոպայի Խորհրդի անդամ երկրներից Ռուսաստանի Դաշնությունն ու Ադրբեջանը հրաժարվել են ընդունել այն։

Հայաստանը Ստամբուլյան կոնվենցիան չվավերացրած երկրների շարքում է:

Աղբյուր` Cumhuriyet

Այս ենթաբաժնի վերջին նորությունները

11:59, 06 օգոս

Թուրքիայում ոստիկանները ձերբակալել են կանանց բռնությունների դեմ բողոքի ակցիայի մասնակիցներին

Թուրքիայի կառավարության՝ Ստամբուլյան կոնվենցիայից դուրս գալու հնարավորության մասին հայտարարությունից հետո երկրում պարբերաբար կանանց մասնակցությամբ բողոքի ակցիաներ են տեղի ունենում։

14:14, 03 օգոս

Թուրքիայում միայն հուլիսին տղամարդկանց կողմից սպանվել է 36 կին

Կանանցից 13-ը սպանվել է ամուսնուց ապահարզան պահանջելու և հաշտությունը մերժելու պատճառով։

16:49, 29 հուլ

Ստամբուլի հայկական եկեղեցու խաչը պոկած անձը դատապարտվել է 1 տարի 4 ամիս ազատազրկման

Մայիսին այդ անձը վայրագորեն պոկել ու մայթին էր նետել Սկյուտար թաղամասում գտնվող հայկական Սբ. Գրիգոր Լուսավորիչ եկեղեցու մուտքի դարպասների վրա տեղադրված խաչը։

Ուղիղ խոսք

Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում

Թուրքիայի նախագահ Ռեջեփ Թայիփ Էրդողան

ամենաշատ ընթերցված

Թուրք կուսակցապետը սպառնացել է Հայաստանին

Թուրքիայի ծայրահեղ ազգայնական «Մեծ միություն» կուսակցության նախագահն անդրադարձել է հայ-ադրբեջանական սահմանի լարվածությանն ու թուրք-ադրբեջանական համատեղ զորավարժություններին։