Իրավական17:24, 02 Հուլիս 2020
Թուրքիայում սոցցանցերը վերահսկող օրենքներ կընդունվեն
Թուրքիայի նախագահ Ռեջեփ Թայիփ Էրդողանը նախօրեին ունեցած ելույթի ժամանակ հայտարարել էր, որ այսուհետ բոլոր սոցցանցերի գործունեությունը երկրում վերահսկվելու են մեջլիսում ընդունվելիք նոր օրենքներով։
Էրդողանի ելույթի թեման իր փեսայի՝ Թուրքիայի գանձապետարանի ու ֆինանսների նախարար Բերաթ Ալբայրաքի ու նրա ընտանիքի վերաբերյալ Twitter-ում արված վիրավորական մեկնաբանություններն էին։
Որոշ դեպքերում հայհոյանքներ պարունակող վիրավորանքները գրվել էին հունիսի 30-ին «Twitter»ում Ալբայրաքի գրառման մեկնաբանությունների բաժնում։ Այդ գրառմամբ Ալբայրաքը տեղեկացրել էր իր 4-րդ երեխայի լույս աշխարհ գալու մասին։
Թուրքիայի նախագահի ելույթից հետո նրա գլխավորած իշխող «Արդարություն և զարգացում» կուսակցության (AKP-ԱԶԿ) պատգամավորներն անմիջապես ձեռնամուխ են եղել սոցցանցերի գործունեությունը խիստ վերահսկողության տակ առնող օրենքի փաթեթի մշակմանը։ Մամուլում որոշ մանրամասներ են հայտնվել նոր կարգավորումների մասին։
Ըստ այդմ՝ նոր օրենքով սոցցանցերը Թուրքիայի իրավապահ մարմինների ու դատական համակարգի կողմից ուղարկվող հարցումներին, ծանուցումներին կամ պահանջներին պատշաճ պատասխանելու համար ստիպված կլինեն երկրում ունենալ առնվազն մեկ մշտական ներկայացուցիչ։ Այդ ներկայացուցիչների կողմից Թուրքիայի պատկան մարմինների հարցումներին չպատասխանելու դեպքում երկրի դատարանների որոշումներով կարող է մինչև 95 տոկոսով սահմանափակվել սոցցանցերի հասանելիությունը երկրում։
Սոցցանցերի պատասխանատուները պարտավոր են առնվազն 72 ժամվա ընթացքում պատասխանել մարդու իրավունքների ու անձնական տվյալների գաղտնիությունը խախտող հրապարակումները հեռացնելու պահանջներին։ Դիմումները անպատասխան թողնողները 100 հազարից մինչև 1 մլն թուրքական լիրայով (146000 դոլար) կտուգանվեն։
Սոցցանցերը պարտավոր են լինելու Թուրքիայում բնակվող օգտատերերի տվյալները պահել Թուրքիայում։ Այս պայմանը չկատարողներին սպառնում է մինչև 5 մլն լիրա (729000 դոլար) տուգանք։
Նշվում է, որ նոր օրենքներով հսկողություն մեխանիզմներ կսահմանվեն նաև Netflix, Amazon Prime, Puhu TV, Blu TV հարթակների համար։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |