Քաղաքական17:36, 02 Հուլիս 2020
Թուրքիայի արտգործնախարարը Ֆրանսիայից պահանջել է ներողություն խնդրել
Թուրքիայի արտգործնախարար Մևլութ Չավուշօղլուն անդրադարձել է Միջերկրական ծովում թուրքական և ֆրանսիական նավերի միջև տեղի ունեցած միջադեպին։
Գերմանիայի ԱԳ նախարար Հեիկո Մաասի հետ համատեղ մամուլի ասուլիսի ժամանակ՝ թուրք նախարարը պնդել է, որ Ֆրանսիան նշված միջադեպի վերաբերյալ կեղծ տեղեկություններ է հաղորդել ՆԱՏՕ-ին։
«Ֆրանսիան ճշմարտությունը չի ասել ՆԱՏՕ-ին, մենք դա ապացուցել ենք։ Կեղծ տեղեկատվությամբ հակաթուրքական գործողություններ կատարելու փոխարեն Ֆրանսիան պետք է ներողություն խնդրի մեզանից», - հայտարարել է Չավուշօղլուն։
Նշենք, որ Ֆրանսիայի պաշտպանության նախարար Ֆլորենս Փարլին հունիսի 10-ին հայտնել էր, որ թուրքական ռազմանավը Միջերկրական ծովի արևելքում ագրեսիվ պահվածք է դրսևորել ֆրանսիական «Courbet» նավի նկատմամբ։ Միջադեպի ուսումնասիրումը ստանձնել էր ՆԱՏՕ-ն, որին կողմերը ներկայացրել էին իրենց փաստարկները։
Ֆրանսիայի և Թուրքիայի հարաբերությունները առանց այդ էլ վերջին շրջանում լարված են հատկապես Միջերկրական ծովում Թուրքիայի իրականացրած հորատման աշխատանքների, ինչպես նաև՝ Սիրիայում և Լիբիայում վերջինիս գործողությունների պատճառով։
Այդ համատեքստում Ֆրանսիայի արտաքին գործերի նախարար Ժան-Իվ Լը Դրիանը այսօր հայտարարել է, որ Եվրամիությունը կարող է Թուրքիայի նկատմամբ նոր պատժամիջոցներ սահմանել։ Նրա խոսքով՝ Թուրքիայի հարցը կքննարկվի հուլիսի 13-ին հրավիրված ԵՄ նախարարների ժողովում։
Այս ենթաբաժնի վերջին նորությունները
Թուրքիայի ԱԳՆ-ի տարածած հայտարարության մեջ նշվում է, որ նշյալ համաձայնագրով ԱՄԷ-ն «անտեսում է պաղեստինցիների կամքը»։
Թուրքիայի նախագահն անդրադարձել է Արևելյան Միջերկրական և Էգեյան ծովերում թուրք-հունական հարաբերությունում առաջացած լարվածությանը։
Թուրքիայի առևտրի նախարարի փոխանցմամբ՝ Լիբիայում Թուրքիայի կողմից իրականացվող ծրագրերի ընդհանուր ծավալը հասել է 28․6 մլրդ դոլարի։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նախկին փոխվարչապետ Ալի Բաբաջանի կողմից հիմնադրված DEVA փոխնախագահ Մուսթաֆա Յեներօղլուն այս հարցի առթիվ դիմել է Անկարայի քաղաքապետին։
Հուլիսի 29-ին մեկնարկած և մինչև օգոստոսի 10-ը տևող թուրք–ադրբեջանական զորավարժությունները երկարաձգվել են։
Աքարը հույս է հայտնել, որ Հունաստանի հետ բարիդրացիական հարաբերություններ կհաստատվեն՝ շեշտելով նաև որ Թուրքիան շարունակելու է պաշտպանել իր իրավունքներն ու շահերը։
Վաքըֆլը գյուղում, ամեն տարի օգոստոսի երկրորդ կիրակի օրը նշվում է Սուրբ Մայր Աստվածածնի Վերափոխման տոնը։
Ըստ ամերիկյան աղբյուրի՝ գլխավոր պատճառը S-400 զենիթահրթիռային ՀՕՊ համակարգերի շուրջ ռուս թուրքական գործարքն է։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |