Մակրոնը Թուրքիայի գործողությունները Լիբիայում հանցագործություն է որակել

Քաղաքական11:17, 30 Հունիս 2020

Մակրոնը Թուրքիայի գործողությունները Լիբիայում հանցագործություն է որակել

Ֆրանսիայի նախագահ Էմանուել Մակրոնը հերթական անգամ քննադատել է Թուրքիայի իշխանություններին Լիբիայում իշխանության համար զինված պայքար մղող կողմերից մեկին ակնհայտ աջակցություն ցուցաբերելու համար։

Գերմանիայի կանցլեր Անգելա Մերկելի հետ անցկացրած հանդիպումից հետո լրագրողների հարցերին պատասխանելիս Մակրոնն անդրադարձել է լիբիական հակամարտությանն ու Թուրքիայի ներգրավվածությանը։

«Ըստ իս՝ մի երկրի համար, որը պնդում է, թե ՆԱՏՕ-ի անդամ է, այս վիճակը պատմական և քրեական պատասխանատվություն է պարունակում»,- ասել է Մակրոնը՝ անդրադառնալով Թուրքիայի ակտիվ միջամտությանը Լիբիայում շարունակվող զինված պայքարին։

Մակրոնը հիշեցրել է, որ Թուրքիան Սիրիայից իր ազդեցության տակ գտնվող մեծ թվով ջիհադիստներ է ուղարկել Լիբիա «Ազգային համաձայնության կառավարության» կողմից կռվելու համար։

Ֆրանսիայի նախագահը նշել է, որ այսպիսով Թուրքիան չի հարգում Լիբիայի հարցով Բեռլինում գումարված համաժողովի որոշումները․ այդ համաժողովում որոշում էր ընդունվել արգելք կիրառել լիբիական հակամարտության կողմերին զենք զինամթերքի մատակարարումների վրա։

Մակրոնը նշել է, որ պետք է ջրի երես հանել, Լիբիայում Թուրքիայի վարած քաղաքականության էությունը։

Աղբյուր` Diken

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: